ကရင်အမျိုးသားအစည်းအရုံး(KNU) ဗဟိုစည်းရုံးရေးနှင့်ပြန်ကြားရေးဌာန(သေဘေထာ)တွင် ကျင်းပသည့် တော်လှန်ရေးသီတင်းကျွတ်မီးထွန်းပွဲသို့ KNU တွဲဖက်အထွေအထွေအတွင်းရေးမှူး(၂)ပဒိုစောလှထွန်း၊ဗဟိုအမြဲတမ်းကော်မတီ၀င် ပဒိုစောသမိန်ထွန်း နှင့် KNLA တပ်ဖွဲ့၀င်များ၊ ဒေသခံပြည်သူများတက်ရောက်ခဲ့ကြောင်း KNUက သတင်းထုတ်နြပ်သည်။
အောက်တိုဘာ၂၀ရက်ညပိုင်းက ဓမ္မကို ဂုဏ်ပြုပူဇော်၊ အဓမ္မကိုလောင်ကျွမ်း ခေါင်းစဉ်ဖြင့် တော်လှန်ရေးသီတင်းကျွတ်မီးထွန်းပွဲ ပြုလုပ်ခဲ့ခြင်းဖြစ်သည်။
ဗဟိုအမြဲတမ်းကော်မတီ၀င် ပဒိုစောသမိန်ထွန်းမှ သီတင်းကျွတ်ပွဲဖြစ်ပုံလာပုံအကြောင်း ပြောကြားခဲ့ပြီးတွဲဖက်အထွေအထွေအတွင်းရေးမှူး(၂)ပဒိုစောလှထွန်းမှ ပြည်သူများနှင့်အတူ သီတင်းကျွတ်ဆုတောင်းပေးခဲ့သည်ဟု ဆိုသည်။
သီတင်းကျွတ်မီးထွန်းခြင်း၊မီးပုံးပျံလွှတ်ခြင်း၊စတုဒီသာကျွေးခြင်းများကိုပြုလုပ်ခဲ့ကြကြောင်း ဖော်ပြထား သည်။
Public Service Announcement
ကချင်လွတ်လပ်ရေးအဖွဲ့/ကချင်လွတ်လပ်ရေးတပ်မတော်(KIO/KIA) ဌာနချုပ် လိုင်ဇာမြို့ သီတင်း ကျွတ်ကာလ ညမြင်ကွင်းကို KIO ဗဟိုကော်မတီဝင်တစ်ဦးဖြစ်သူ ဗိုလ်ချုပ်ဂွန်မော်က ၎င်း၏ Facebook စာမျက်နှာ၌ ယနေ့ညပိုင်းတွင်ဖော်ပြသည်။ ထိုသို့ဖော်ပြရာတွင် ကလေးငယ်များ ဖယောင်းတိုင်ထွန်းနေသည့် ပုံ၊ စျေးဆိုင်ငယ်တွင် ဖယောင်းတိုင် ထွန်းထားသည့်ပုံနှင့် ဖယောင်းတိုင်များထွန်းပြီး နွေဦးအောင်ပွဲဟု ပုံဖော်ထားသည့် ဓာတ်ပုံတို့ပါရှိသည်။
KNUနှင့် KIA တို့သည် အာဏာသိမ်းပြီးနောက်ပိုင်း စစ်အာဏာရှင်ဆန့်ကျင်ရေး ပြည်သူလူထုများအပေါ် အကူအညီ အကာအကွယ်ပေးနေသည့် တိုင်းရင်းသားလက်နက်ကိုင်အဖွဲ့များဖြစ်သကဲ့သို့ စစ်ကောင်စီတပ်ကိုလည်း ခုခံတိုက်ခိုက်မှုများ စဉ်ဆက်မပြတ်လုပ်ဆောင်လျက်ရှိသည်။
