အာဏာသိမ်းအကြမ်းဖက်စစ်ခေါင်းဆောင်တက်ခွင့်မရတဲ့ အာဆီယံထိပ်သီးညီလာခံစတင်နေချိန်မှာ အာဆီယံအမွေအနှစ်နှင့်သမိုင်း(ASEAN Heritage & History)က ဒေါ် အောင်ဆန်းစုကြည်နဲ့ အာဆီယံခေါင်းဆောင်တွေရဲ့ဓာတ်ပုံတွေကို ဖော်ပြလိုက်ပါတယ်။
“ဒီတစ်ပတ်မှာ အာဆီယံအဖွဲ့ဝင်နိုင်ငံတွေနဲ့ ပြင်ပမိတ်ဖက်တွေဟာ အလှည့်ကျဥက္ကဌ ဘရူနိုင်းရဲ့ ဦးဆောင်မှုနဲ့ (၃၈) ကြိမ်မြောက်- (၃၉) ကြိမ်မြောက် အာဆီယံထိပ်သီးညီလာခံကို ကျင်းပမှာပါ” လို့ ရေးသားပြီး အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ အာဆီယံခေါင်းဆောင်တွေပါဝင်တဲ့ ဓာတ်ပုံကို ASEAN Heritage & History ဖေ့စ်ဘွတ်ခ်စာမျက်နှာကဖော်ပြခဲ့တာပါ။
တရားမဝင်အာဏာသိမ်းစစ်တပ်ကို အာဆီယံက လက်ရှိအချိန်အထိ တရားဝင်အစိုးရတစ်ရပ်အနေနဲ့ အသိအမှတ်မပြုသေးဘဲ ရွေးကောက်ခံ ဒေါ်အောင်ဆန်းစုကြည်ခေါင်းဆောင်တဲ့အစိုးရကိုသာ ဆက်လက်အသိအမှတ်ပြုတာဖြစ်တယ်လို့ လေ့လာသူတစ်ဦးက မှတ်ချက်ပြုပါတယ်။
စစ်တပ်က အာဏာသိမ်းပြီးနောက်ပိုင်းမှာလည်း ASEAN Heritage & History က ဒေါ်အောင် ဆန်းစုကြည်ကို Myanmar State Counselor အဖြစ်လည်းကောင်း၊ သမ္မတဦးဝင်းမြင့်ကို H.E Myanmar President အဖြစ်လည်းကောင်း ဓာတ်ပုံတွေနဲ့အတူ ရေးသားဖော်ပြတာ မကြာခဏ ရှိပါတယ်။
Public Service Announcement
အောက်တိုဘာ ၂၅ ရက် AP သတင်းဌာနရဲ့ ဖော်ပြချက်တရပ်မှာလည်း စင်ကာပူနိုင်ငံက အာဏာသိမ်းစစ်ကောင်စီကို ထိတွေ့ဆက်ဆံတာမျိုးရှိပေမယ့် အရပ်သားရွေးကောက်ခံ ဒေါ်အောင်ဆန်းစု ကြည်အစိုးရကိုသာ တရားဝင်အသိအမှတ်ပြုထားဆဲဖြစ်တယ်လို့ ဆိုပါတယ်။
