ကာလာအိုကေဆိုင်(KTV)မှ ပြန်လာစဥ် အသတ်ခံရသည့်စစ်ကောင်စီလက်အောက်ခံ ဒုရဲအုပ်နှစ်ဦးထံမှ ရရှိခဲ့သော ပစ်စတိုနှစ်လက်သည် အမေရိကန်နှင့် အဂ်လန်နိုင်ငံထုတ် နှစ် ၈၀ကျော်သက်တမ်းရှိသော်လည်း အသုံးပြုနိုင်သေးကြောင်း Sagaing Independence Army (SIA)က ယနေ့(အောက်တိုဘာ ၂၇) အသိပေးသည်။
အောက်တိုဘာ ၂၆ ရက်က ဒုရဲအုပ်နှစ်ဦးအား ရှင်းလင်းပြီးရရှိခဲ့သော သေနတ်အမျိုးအစားမှာ USA MADE SMITH&WISSON 6 BULLET PISTOLနှင့် ENGLAND (ဘာမင်ဂန်)MADE WEBLEY&SCOTT 6 BULLET PISTOL နှစ်လက်ဖြစ်သည်။
လက်ရှိတွင် ဆေးကြောသန့်စင်ပြီးဖြစ်ကာ အသုံးပြုနိုင်သည့် အခြေအနေရှိပြီဟု SIAက ဆိုသည်။
မုံရွာမြို့ရှိ KTVတစ်ခုမှ ပြန်လာသောဒုရဲအုပ် နှစ်ဦးကို SIAတပ်ဖွဲ့များက စက်မှုဇုန်ရပ်ကွက် စွယ်တော်လမ်းအရောက်တွင် တိုက်ခိုက်ခဲ့ခြင်းဖြစ်သည်။
Public Service Announcement
ထိုဖြစ်စဥ်ကြောင့် အောက်တိုဘာ ၂၆ ရက်ကမုံရွာမြို့အဝင်အထွက် ဂိတ်များကို စစ်ကောင်စီက တားဆီးပိတ်ဆို့မှုများပြုလုပ်ခဲ့သည့်အပြင် အကြမ်းဖက်စစ်ကောင်စီ၏ ရဟတ်ယာဥ်များလည်း အသုံးပြုခဲ့သည်ဟု ဒေသခံများက ဆိုသည်။
ထို့အပြင် အတည်မပြုနိုင်သေးသော သတင်းများအရ သေဆုံးသွားသော ဒုရဲအုပ်နှစ်ဦးသွားခဲ့ရာ KTV မှ ထမင်း၊ဟင်းချက်သူ အမျိုးသမီးမှလွဲ၍ ကျန်ဝန်ထမ်းများအားလုံးကို စစ်ကောင်စီက ဖမ်းဆီးစစ်ဆေးနေသည်ဟု စုံစမ်းသိရှိရသည်။
