ကုလသမဂ္ဂအထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် အဖြစ် ခန့်အပ်ခံရသူ ဒေါက်တာနိုလင်းဟေဇာ ဟာ ရာထူးလက်ခံပြီးရက်ပိုင်းအကြာမှာ စင်ကာပူနိုင်ငံခြားရေးဝန်ကြီးရဲ့တွေ့ဆုံလိုက်ပါတယ်။
တွေ့ဆုံမှုအကြောင်းကို စင်ကာပူနိုင်ငံခြားရေးဝန်ကြီးက သတင်းထုတ်ပြန်ရာမှာ ဒေါက်တာနိုလင်းဟေဇာ ဟာ ကုလသမဂ္ဂမှာ နှစ်ပေါင်းများစွာတာဝန်ထမ်းဆောင်ဖူးတဲ့အတွေ့အကြုံကောင်းတွေရှိပြီး မြန်မာ့အရေးကိုဖြေရှင်းရာမှာ အစွမ်းကုန်ဆောင်ရွက်နိုင်မယ်လို့ ဆန္ဒပြုထားပါတယ်။
အသက် ၇၃ နှစ်အရွယ်ရှိပြီဖြစ်တဲ့ ဒေါက်တာနိုလင်းဟေဇာဟာ စင်ကာနိုင်ငံသူဖြစ်ပြီး နာဂစ်ကာလတုန်းက မြန်မာနိုင်ငံကိုအကူအညီပေးရေးကိစ္စတွေမှာ စစ်ခေါင်းဆောင်တွေနဲ့ ထိတွေ့ဆက်ဆံဖူးသူဖြစ်ပါတယ်။
ဒေါက်တာနိုလင်းဟေဇာဟာ မစ္စ ခရစ်စတင်း ဘာဂနာ ရဲ့ ကုလအထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင်ရာအထူးကိုယ်စားလှယ် တာဝန်ကို ဆက်ခံတာဖြစ်ပါတယ်။
Public Service Announcement
မစ္စခရစ်စတင်းဘာဂနာတာဝန်ထမ်းဆောင်ချိန်က NLD အစိုးရ လက်ထက်မှာ မြန်မာနိုင်ငံကိုမကြာခဏ လာရောက်ခဲ့တာရှိခဲ့ပေမယ့် အာဏာသိမ်းပြီးနောက် စစ်ကောင်စီက ပြည်ဝင်ခွင့်မပြုတော့တာဖြစ်ပါတယ်။
