အကြမ်းဖက်စစ်တပ်ယာဥ်တန်းကို လက်နက်ကြီးဖြင့် တိုက်ခိုက်ခဲ့ဟု ARA အဖွဲ့​ပြော

အကြမ်းဖက်စစ်ကောင်စီတပ်ယာဉ်တန်းကို နောက်ပွင့်လက်နက်ကြီးများဖြင့် သုံးနေရာခွဲ၍ ပစ်ခတ်တိုက်ခိုက်ခဲ့ကြောင်း အရာတော်မြို့နယ်တော်လှန် ရေးအင်အားစု (ARA)က ယနေ့ ကြေညာသည်။

အောက်တိုဘာ ၂၉ ရက် ညနေ ၆နာရီက အရာတော်မြို့ကိုဖြတ်၍ မုံရွာ – ရွှေဘိုလမ်းအတိုင်း အရှေ့သို့သွားသော စစ်ကောင်စီကားကိုးစီးပါ ယာဉ်တန်းကို အရာတော်မြို့နယ် တော်လှန်ရေးအင်အားစု (ARA) အရှေ့ပိုင်းတပ်ဖွဲ့များက နောက်ပွင့်လက်နက်ကြီးများအသုံးပြု၍ ခြုံခိုတိုက်ခိုက်ခဲ့ခြင်းဖြစ်သည်။

ARA ၏ အရှေ့ပိုင်းညီနောင်များဖြစ်သည့် ဗိုလ်‌ ရောင်နီတပ်ဖွဲ့ နှင့် GZ ညီနောင်များအဖွဲ့တို့က ဇရစ်ရွာနှင့် ကူးတို့ကိုင်းရွာကြားတွင် နေရာသုံးနေရာခွဲ၍ ပစ်ခတ်တိုက်ခိုက်ခဲ့ပြီး ကားပေါ်ပါ စစ်ကောင်စီတပ်သားများ ထိခိုက်မှုရှိသည်ဟု ARAက အတည်ပြုသည်။

“ကားကိုမဟုတ်ဘဲ လူကို အဓိကထိစေတဲ့ Anti- Personnel နောက်ပွင့်လက်နက်ကြီးတွေနဲ့ ခြုံခိုတိုက် ခိုက်ခဲ့တာပါ။ ယာဉ်တန်းစစ်ကား ကိုးစီးမှာသုံးစီးလောက်က လူအပြည့်ပါတယ်၊ ကျန်ကားတွေက ရိက္ခာပစ္စည်းတွေနဲ့ လူကြဲတယ်။ထိသွားတော့ ဒီကောင်တွေ ပြန်ပစ်တာ ဆက်တိုက်ပဲ။ ဒီကောင်တွေ ကားပေါ်ကနေ တောက်လျှောက်သေနတ်ဖောက်သွားတာ ရွှေပန်းကုန်းထိ”ဟု ARAမှ ဗိုလ်ပေါက်စီက ပြောသည်။

Public Service Announcement

ယ​နေ့ခြုံခိုတိုက်ပွဲတွင် ARA နှင့် ပူးပေါင်းအဖွဲ့တို့မှ ရဲဘော်တစ်ဦးမှ ထိခိုက်မှုမရှိဘဲ အောင်မြင်စွာပြန်လည်ဆုတ်ခွာနိုင်ခဲ့ကြောင်း သိရသည်။

ညအချိန်ဖြစ်၍ စစ်ကောင်စီတပ်သားများ ထိခိုက်သေ ဆုံးမှုကို အတိအကျမသိရသေးကြောင်း ဗိုလ်ပေါက်စီက ဆိုသည်။