ယနေ့(အောက်တိုဘာ ၃၀ ရက်)ည ၇ နာရီခန့်တွင် ပဲခူးတိုင်း ပြည်မြို့ လွှစင်ကျေးရွာအုပ်စုသို့ အကြမ်းဖက်စစ်ကောင်စီတပ်သားများလာပြီး လူငယ်တစ်ဦးကိုဖမ်းဆီးရိုက်နက်စစ်ဆေးနေသဖြင့် ဒေသခံများ ကြောက် ရွံ့ကာထွက်ပြေးနေရကြောင်း ဒေသခံများက ပြောသည်။
“ရွာနားမှာတင် ကလေးတစ်ယောက်ကို ဖမ်းတယ်။စစ် ဆေးရိုက်နှက်နေတာ။စစ်ခွေးရော၊ ရဲခွေးရော စုစုပေါင်း အယောက် ၂၀ နီးပါးလောက်ရှိမယ်”ဟု ဒေသခံတစ်ဦးက ပြောသည်။
စစ်ကောင်စီတပ်သားများဝင်ရောက် အကြမ်းဖက်နေခြင်းသည် အောက်တိုဘာ ၂၈ ရက်က သေနတ်ဖြင့် ငါးချက်ခန့်ပစ်ခတ်ခံရပြီးနောက် သေဆုံးခဲ့သော အာဏာ သိမ်းစစ်ကောင်စီခန့် ကျေးရွာအုပ်ချုပ်ရေးမှူးအေးစိုးနှင့် ဆက်စပ်သည်ဟု ၎င်းက မှတ်ချက်ပြုသည်။
လွှစင်အုပ်စု ဆီဆုံကုန်းကြီး ကျေးရွာအုပ်ချုပ်ရေးမှူး ဦးအေးစိုး ကြံ့ခိုင်ရေးပါတီဝင်တစ်ဦးလည်းဖြစ်ပြီး စစ်ကောင်စီတပ်များနှင့် ရင်းနှီးစွာ ဆက်ဆံသူအဖြစ် လူသိများသည်။
ပြည်မြို့၌ အောက်တိုဘာ ၂၇ ရက်ညကလည်း သူနာပြုသင်တန်းကျောင်းနဲ့ သံလမ်းတို့၌ ပေါက်ကွဲမှုများဖြစ်ပွားခဲ့သည်။