မြန်မာစစ်တပ်အနေနဲ့ အကြမ်းဖက်မှုတွေရပ်တန့်ဖို့၊ နိုင်ငံရေးအကျဉ်းသားအားလုံးကိုပြန်လွှတ်ပေးဖို့နဲ့ ဒီမိုကရေစီစနစ်ကိုအမြန်ပြန်သွားဖို့ လုပ်ဆောင်ရမယ်လို့ အမေရိကန်သမ္မတနဲ့ အင်ဒိုနီးရှားသမ္မတတို့က သဘောတူတိုက်တွန်းလိုက်ပါတယ်။
အမေရိကန်သမ္မတဂျိုးဘိုင်ဒင်နဲ့ အင်ဒိုနီးရှားသမ္မတဂျိုကိုဝီဒိုဒိုတို့ဟာ စကော့တလန်၊ ဂလက်စ်ဂိုမှာ ကျင်းပနေတဲ့ ကုလသမဂ္ဂရာသီဥတုပြောင်းလဲမှုညီလာခံ (COP26) ကို တက်ရောက်နေစဉ် နိုဝင်ဘာ ၁ရက်က သီးသန့်တွေ့ဆုံခဲ့ရာမှာ မြန်မာ့အရေးကို ထည့်သွင်းဆွေးနွေးခဲ့တာပါ။
အမေရိကန်-အင်ဒိုနီးရှားသမ္မတနှစ်ဦးဟာ ရေကြောင်းလုံခြုံရေးနဲ့ ပင်လယ်ပြင်လွတ်လပ်ခွင့် အရေးပါမှုအပါအဝင် ဒေသတွင်းဆိုင်ရာကိစ္စရပ်တွေကို ဆွေးနွေးခဲ့ကြပြီး မြန်မာနိုင်ငံမှာ စစ်တပ်က အာဏာသိမ်းမှုကို စိုးရိမ်ကြောင်းထုတ်ဖော်ပြောဆိုခဲ့ပါတယ်။
သမ္မတဘိုင်ဒင်က အာဆီယံဘုံဆုံးဖြတ်ချက် ၅ ရပ်ကို မြန်မာစစ်တပ်က အကောင်အထည်ဖော် ဆောင်ရွက်ရေး အာဆီယံရဲ့ကြိုးပမ်းမှုတွေကို ထောက်ခံကြောင်း ပြောဆိုခဲ့တယ်လို့ အိမ်ဖြူတော်က သတင်းထုတ်ပြန်ပါတယ်။
Public Service Announcement
