ပြီးခဲ့တဲ့ စက်တင်ဘာလအတွင်း ကယားပြည်နယ် ၊ဒီမော့ဆို တိုက်ပွဲမှာ ကျဆုံးသွားတဲ့ စိုင်းဘုန်းမင်းသန့်ရဲ့ ရုပ်အလောင်းကို ပြန်တွေ့ပြီလို့ မိခင်ဖြစ်သူက ဖေ့ဘွတ်ခ်ကနေ အသိပေးထားပါတယ်။
ရုပ်အလောင်းကို ပြန်ရတဲ့နေ့ဟာ ကျဆုံးတဲ့ရက်ကနေ ရက် ပေါင်း ၄၀ တိတိကြာခဲ့တယ်လို့ သိရပါတယ်။
သားဖြစ်သူကိုရှာဖွေပေးဖို့ တောင်းဆိုခဲ့ပြီး သွားရောက်ရှာဖွေပေးခဲ့တဲ့ တာဝန်ယူမှု ၊တာဝန်ခံမှု အပြည့်ရှိတဲ့အဖွဲ့ကိုလည်းကျေးဇူးတင်ထားပါတယ်။
KPDF ကလည်း ရဲဘော်စိုင်းဘုန်းရဲ့ ရုပ်အလောင်းကို သယ်ယူနိုင်ခဲ့ပြီဖြစ်ပြီး ဈာပနအခမ်းအနားနဲ့ ကျန်ရှိတာတွေကို ဆက်လက်လုပ်ဆောင်ပေးဖို့ စီစဉ်နေတယ်လို့ ပြီးခဲ့တဲ့ ၃ ရက်က သတင်းထုတ်ပြန်ထားပါတယ်။
ကျဆုံးခဲ့တဲ့နေရာဟာနယ်မြေစိုးမိုးရေးအခြေအနေအရ ချက်ချင်းသွားရောက်မရှာဖွေနိုင်ခဲ့တာလို့သိရပါတယ်။
အသက် ၂၀ ကျော်အရွယ် မန္တလေး စက်မှုလက်မှု သိပ္ပံကျောင်းသား စိုင်းဘုန်းမင်းသန့်ဟာ စစ်ကောင်စီတပ်တွေနဲ့ ရင်ဆိုင်တိုက်ပွဲဖြစ်နေတဲ့ ကရင်နီအမျိုးသားများကာကွယ်ရေးတပ် (KNDF) ဘက်က ဝင်တိုက်ပေးခဲ့တာဖြစ်ပါတယ်။
စက်တင်ဘာလ ၂၀ ရက်မှာတော့ ၆ မိုင်တိုက်ပွဲမှာ ကျဆုံးခဲ့တယ်လို့ သိရပါတယ်။