–ဖြေရှင်းဖို့ ထွက်ပေါက်နည်းသစ်တွေအကြုံပြုခဲ့ပြီး အာဆီယံအထူးကိုယ်စာလှယ်နှင့် ထိတွေ့ဆက်ဆံဖို့ တိုက်တွန်းခဲ့ဟုဆို
ကုလသမဂ္ဂဆိုင်ရာအမေရိကန်သံအမတ်ဟောင်းဘီလ်ရစ်ချက်ဆန်ရဲ့မြန်မာပြည်ခရီးစဉ်ဟာ မနေ့က ပြီးဆုံးခဲ့ပြီး ပြန်လည်ထွက်ခွာသွားပြီလို့ AP သတင်းဌာနက ဖော်ပြပါတယ်။
ဘီလ်ရစ်ချက်ဆန်ရဲ့ခရီးစဉ်အတွင်း အာဏာသိမ်းခေါင်းဆောင်မင်းအောင်လှိုင်၊ ပြည်ပသံတမန်တွေ၊ မြန်မာနိုင်ငံဆိုင်ရာ ကုလသမဂ္ဂရုံးကိုယ်စားလှယ်တွေနဲ့ နိုင်ငံတကာအဖွဲ့အစည်းတွေကို တွေ့ဆုံခဲ့တယ်လို့ ဆိုပါတယ်။
“ကျွန်တော့်ဆွေးနွေးမှုတွေရဲ့အဓိကအာရုံစိုက်မှုကတော့ မြန်မာနိုင်ငံကို COVAX Facility ကနေ COVID-19 ကာကွယ်ဆေးတွေ မြန်ဆန်စွာဖြန့်ဖြူးနိုင်ရေး နည်းလမ်းတွေရှာဖွေဖို့နဲ့ COVID-19 စတုတ္ထလှိုင်းဖြစ်နိုင်ခြေလျော့ပါးရေးကူညီဖို့ဖြစ်ပါတယ်”လို့ Richardson Center က ထုတ်ပြန်ပါတယ်။
Public Service Announcement
ဒါပေမဲ့ အကြမ်းဖက်စစ်ကောင်စီခေါင်းဆောင်မင်းအောင်လှိုင်နဲ့တွေ့ဆုံစဉ်မှာ မြန်မာအာဏာပိုင် တွေအနေနဲ့ ကုလသမဂ္ဂနဲ့ အာဆီယံအထူးကိုယ်စားလှယ်တွေနဲ့ထိတွေ့ဆက်ဆံဖို့တိုက်တွန်းခဲ့ပြီး လက်ရှိထွက်ပေါက်မရှိတဲ့အခြေအနေကနေ ဖောက်ထွက်ဖို့ ဖြေရှင်းနည်းသစ်တွေကို အကြံပြုခဲ့တယ်လို့ ထုတ်ပြန်ချက်မှာ ဖော်ပြပါတယ်။
ဘီလ်ရစ်ချက်ဆန်ရဲ့ခရီးစဉ်အတွင်း မြန်မာအာဏာပိုင်တွေရဲ့ ဖမ်းဆီးထိန်းသိမ်းခံ အမေရိကန် သတင်းသမား ဒန်နီဖန်စတာပြန်လည်လွတ်မြောက်ရေး ဆွေးနွေးကြိုးပမ်းမယ်လို့ မှန်းဆချက် တွေရှိပေမယ့် ခရီးစဉ်အပြီး ထုတ်ပြန်ချက်မှာတော့ အဲဒီအရေးကို ထည့်သွင်းဖော်ပြခြင်းမရှိပါဘူး။
ဘီလ်ရစ်ချက်ဆန်ရဲ့ခရီးစဉ်အတွင်းမှာပဲ ဒန်နီဖန်စတာရဲ့ အယူခံကို တရားရုံးက ပယ်ချလိုက်ပြီး နောက်ထပ် ပုဒ်မတစ်ခုကို ထပ်တိုးခဲ့ပါတယ်။
