အာဏာသိမ်းစစ်ကောင်စီတပ်က စစ်ကိုင်းတိုင်း၊အရာတော် မြို့နယ်ဝါးရောင်းကျေးရွာကို စစ်ကြောင်း (၃)ကြောင်း အင်အား(၁၀၀)ကျော်ဖြင့်ယနေ့ ဝင်ရောက်စီးနင်းနေကြောင်းအရာတော်မြို့နယ်တော်လှန်ရေးအင်အားစု(ARA) ကထုတ်ပြန်သည်။
“နယ်မြေရှင်းလင်းရေးလုပ်နေတဲ့ပုံပါဗျ။ အရာတော် မြောက်ခြမ်းက စစ်ခွေးတွေက နှံ့သလောက်ဖြစ်နေပြီ။ အခုက တောင်ဘက် တကြော ဘက် လှည့်လာတယ်”ဟု ARAမှဗိုလ်ရာဇာကလည်း ပြောသည်။
အကြမ်းဖက်စစ်တပ်ကအရာတော်မြို့နယ်အနောက်တောင်ဘက်ရှိ ဝါးရောင်းကျေးရွာကိုယနေ့ဝင်ရောက်စီးနင်းသဖြင့် ဒေသခံများထွက်ပြေးနေရသည်ဟုလည်းဟုလည်းARAက ယနေ့(နိုဝင်ဘာ ၅ရက်)တွင်အသိပေးသည်။
“ရွာက တက်ကြွလှုပ်ရှားသူတွေနဲ့ CDM ဝန်ထမ်းတွေကို လာဖမ်းတာ။ဒါပေမယ့် ကြိုသိရတော့ အကုန်တိမ်ရှောင်ကြပြီးပြီ”ဟုရှောင်တိမ်းနေရသည့် ရွာခံတစ်ယောက်ပြောသည်။
Public Service Announcement
အကြမ်းဖက်စစ်ကောင်စီသည် ဝါးရောင်းကျေးရွာသို့ ဝင်ရောက်စဥ်ဒေသခံများကိူဖမ်းဆီး၍လူသားဒိုင်းအဖြစ်အသုံးပြုခဲ့သည်ဟုလည်းဒေသခံအချို့ကပြောသည်။
လက်ရှိတွင် အကြမ်းဖက်စစ်တပ်မှာ ဝါးရောင်းကျေး ရွာစာသင်ကျောင်းနှင့် ရွာအနောက်ဘုန်းကြီးကျောင်းထဲတွင် ဖြန့်ခွဲတပ်စွဲထားပြီး ရွာတွင် အထိုင်ချလျှက်ပင်ရှိသေးသည်ဟု ဒေသခံများက ဆိုသည်။
