အာဏာသိမ်းမှု ပထမသုံးလအတွင်း Mytelကုမ္ပဏီ ကန်ဒေါ်လာ ၂၄ သန်းကျော်နဲ့ အသုံးပြုသူ ၂သန်း ဆုံးရှုံး

စစ်တပ်ရဲ့အာဏာသိမ်းမှုနောက်ပိုင်း ပထမသုံးလအတွင်း Mytel ဆက်သွယ်ရေးကုမ္ပဏီဟာ အမေရိကန်ဒေါ်လာ ၂၄ ဒသမ ၉သန်းထိခိုက်နစ်နာခဲ့ပြီး အသုံးပြုသူ ၂ သန်း ဆုံးရှုံးခဲ့တယ်လို့ Justice for Myanmar က ဖော်ပြပါတယ်။

စစ်တပ်ပိုင် Mytel ဆက်သွယ်ရေးကုမ္ပဏီရဲ့ မိုင်တဲလ်ပေးအရောင်းကိုယ်စားလှယ် ၁၀၀၀၀ ခန့်ဟာလည်း အာဏာသိမ်းမှုပထမနှစ်လအတွင်းနုတ်ထွက်ခဲ့ပြီး အရောင်းကိုယ်စားလှယ် အရေအတွက်ဟာ အာဏာမသိမ်းမီ ဇန်နဝါရီလမှာ ၅၄၄၃၀ ဦးရှိရာမှ ဇူလိုင်လမှာ ၃၈၁၈၉ ဦးအထိ လျော့ကျခဲ့တယ်လို့ Justice for Myanmar က ဖော်ပြပါတယ်။

အဲဒီလိုအခြေအနေကြောင့် စျေးကွက်ဝေစုပြန်လည်ရယူဖို့ Mytel ကုမ္ပဏီဟာ ကုန်ကျစရိတ်ကြီးမားပြီး တရားမဝင်တဲ့ မဟာဗျူဟာတွေကို အသုံးပြုခဲ့တယ်လို့လည်း ဆိုပါတယ်။

Mytel နဲ့ အခြားစစ်တပ်ထုတ်ကုန်အားလုံးကို သပိတ် မှောက်ခြင်းဟာ စစ်ကောင်စီထံ ငွေကြေးစီးဝင်မှုကို ရပ်တန့်ပေးနေတယ်လို့ Justice for Myanmar က ဖော်ပြပါတယ်။

Public Service Announcement

လက်ရှိအချိန်မှာ Mytel နဲ့ စစ်ဗိုလ်ချုပ်ကြီးတွေပေးတဲ့ စိန်ခေါ်မှုတွေရှိနေပေမယ့် သပိတ်မှောက်မှုဟာ ဆက် လက်ရှိနေဆဲ ဖြစ်ပြီး စစ်ရာဇဝတ်ဂိုဏ်းကို ဖျက်သိမ်းရမယ်လို့ Justice for Myanmar က တိုက်တွန်းပါတယ်။

မြန်မာ့ရင်းနှီးမြှုပ်နှံမှုကော်မရှင်ရဲ့ စာရွက်စာတမ်တွေကို Justice For Myanmar က လေ့လာသုံးသပ်ချက်အရ လာမယ့်ဆယ်စုနှစ်အတွင်း မြန်မာစစ်တပ်အနေဖြင့် Mytel ကနေ အမေရိကန်ဒေါ်လာသန်းပေါင်း ၇၀၀ ကျော် ရရှိဖို့ ခန့်မှန်းတွက်ချက်ထားပါတယ်။