ဗြိတိန်မှာ ကျင်းပနေတဲ့ ရာသီဥတုပြောင်းလဲမှုဆိုင်ရာညီလာခံ(COP26)မှာ မြန်မာနိုင်ငံရှိ ဒေသခံ တိုင်းရင်း သားတွေရဲ့ သစ်တောများကာကွယ်စောင့်ရှောက်ရေးလုပ်ငန်းစဉ်အကြောင်း ရိုက်ကူးထားတဲ့ ရုပ်ရှင်မှတ်တမ်းကို ပြသခဲ့တယ်လို့ ဗြိတိန်သံရုံးက ထုတ်ပြန်ပါတယ်။
အဲဒီမှတ်တမ်းရုပ်ရှင်ဟာ ယခင်စစ်အစိုးရလက်ထက်မှာ ဖြစ်ပွားခဲ့တဲ့ ပမာဏကြီးမားသော သစ် တော်ပြုန်းတီးမှုများကြောင့် သစ်တောများကို ပြန်လည်စီမံခန့်ခွဲထိန်းသိမ်းရာမှာ ဒေသခံတိုင်းရင်းသားအသိုက်အဝန်းတွေရဲ့ အခန်းကဏ္ဍအရေးပါပုံကို မီးမောင်းထိုးပြထားတယ်လို့ သံရုံးက ထုတ်ပြန်ပါတယ်။
အဲဒီမှတ်တမ်းရုပ်ရှင်နဲ့အတူ အမျိုးသားညီညွတ်ရေးအစိုးရ NUG သယံဇာတနှင့် သဘာ၀ပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဒေါက်တာတူးခေါင်နဲ့ ကရင်အမျိုးသား သဘာ၀ ပတ်ဝန်းကျင်ထိန်းသိမ်းရေးပညာရှင် စောပေါလ်စိန်ထွားတို့က သူတို့ရဲ့ အတွေးအမြင် တွေကိုဝေမျှခဲ့တယ်လို့ ဆိုပါတယ်။
COP26 ညီလာခံမှာ ရာသီဥတုပြောင်းလဲမှုဆိုင်ရာကိစ္စတွေကို ကိုင်တွယ်ဖြေရှင်းရေး နိုင်ငံတကာခေါင်းဆောင်များ၊ ရာသီဥတုဆိုင်ရာ ကျွမ်းကျင်သူများနဲ့ တက်ကြွလှုပ်ရှားသူများ စုစည်းကာ ရာသီဥတုပြောင်းလဲမှုဆိုင်ရာ ညှိနှိုင်းပူးပေါင်းဆောင်ရွက်မှုကို သဘောတူညီဖို့ ဆွေးနွေးခဲ့ကြပါတယ်။
Public Service Announcement
ကမ္ဘာတစ်ဝှမ်းရှိ လူပေါင်း ၁.၆ ဘီလီယံကျော်ဟာ သူတို့ရဲ့ အသက်မွေးဝမ်းကျောင်းအတွက် သစ်တောတွေကို မှီခိုအားထားနေရပြီး ဒေသခံပြည်သူတွေကို ၎င်းတို့ဒေသရှိသစ်တောတွေကို စီမံခန့်ခွဲဖို့ လုပ်ပိုင်ခွင့်များပေးခြင်းဟာ သစ်တောတွေကို ပိုမိုထိရောက် ကောင်းမွန်စွာ ကာကွယ်ထိန်းသိမ်းနိုင်ခဲ့ကြောင်း သက်သေအထောက် အထားများက ဖော်ပြနေတယ်လို့ဆိုပါတယ်။
သစ်တောဆုံးရှုံးမှုနဲ့ မြေယာပျက်စီးမှုကို ၂၀၃၀ ခုနှစ် နောက်ဆုံးထား ပြီး ရပ်တန့်ဖို့ ကမ္ဘာ့နိုင်ငံပေါင်း ၁၀၀ ကျော်က နိုင်ငံခေါင်းဆောင်တွေဟာ ကတိပြုခဲ့ကြတယ်လို့ ဗြိတိန်သံရုံးက ထုတ်ပြန်ပါတယ်။
