ကယားပြည်နယ်တွင် ဒီမော့ဆို မြို့နယ်နှင့် ဖယ်ခုံမြို့နယ်တို့၌ အာဏာသိမ်းစစ်ကောင်စီတပ်များနှင့်ကရင်နီဒေသခံ ကာကွယ်ရေးတပ်များတိုက်ပွဲနှစ်ကြိမ်ဖြစ်ပွားရာ စစ်ကောင်စီတပ်မှ ၆ ဦးသေဆုံးပြီးအများအပြားဒဏ်ရာရရှိခဲ့ကြောင်း ကရင်နီအမျိုးသားများကာကွယ်ရေးအဖွဲ့ (KNDF) ကယနေ့ညတွင်ထုတ်ပြန်သည်။
ယနေ့ (နိုဝင်ဘာလ ၆ရက်) ညနေ ၅ နာရီ ၄၀ မိနစ်ခန့် တွင် ဒီးမော့ဆိုမြို့နယ်၊ ထူလွီးဘီလာကျေးရွာ ခြေရာတော်ဘုရားတောင်အနီး၌ အကြမ်းဖက်စစ်ကောင်စီတပ်များနှင့် ကရင်နီတပ်မတော် (KA)၊ KNDF တို့ တိုက်ပွဲဖြစ်ပွားခဲ့ပြီး တိုက်ပွဲအတွင်းစစ်ကောင်စီတပ်သား (၃) ဦးသေဆုံး ခဲ့ပါပြီး (၅) ဦးထိခိုက်ဒဏ်ရာရခဲ့သည်ဟုဖော်ပြထားသည်။
ထို့အပြင်ယနေ့ မွန်းတည့်အချိန်တွင် ဖယ်ခုံမြို့နယ်အခြေစိုက်၊ ခြေမြန်တပ်ရင်း- ခမရ (၄၂၁) ကို PDF (ဖယ်ခုံ) နှင့် KNDF ဖယ်ခုံတပ်ရင်းတို့က တိုက်ခိုက်ခဲ့သဖြင့် အကြမ်းဖက်စစ်ကောင်စီတပ်သား (၃) ဦး သေဆုံးပြီး အများ အပြားထိခိုက်ဒဏ်ရာရခဲ့ပါသည်။ အကြမ်းဖက်စစ်ကောင်စီမှ လက်နက်ကြီးများဖြင့် ရမ်းသန်းပစ်ခတ်မှုကြောင့် ဖယ်ခုံမြို့ပေါ်ရပ်ကွက်မှ နေအိမ်အချို့ထိခိုက်ပျက်စီးခဲ့သည်။
ဖယ်ခုံမြို့နယ်ခေါင်းအိကျေးရွာအုပ်စုတွင် ယနေ့ နှစ်ဖက်ထိတွေ့တိုက်ပွဲများ မရှိသော်လည်း အကြမ်းဖက်စစ်ကောင်စီတပ်ဘက်မှ တစ်ဖက်သတ် လက်နက်ကြီးများဖြင့် ရမ်းသန်း ပစ်ခတ်လျက်ရှိကြောင်းလည်းKNDF ကထုတ်ပြန်သည်။
Public Service Announcement
ဖယ်ခုံမြို့နယ်တွင် ယခုရက်ပိုင်းအတွင်းတိုက်ပွဲများဆက်တိုက်ဖြစ်ပွားနေပြီး စစ်ကောင်စီတပ်အထိ့နာနေသည်။
(အောက်တိုဘာလကတိုက်ပွဲတစ်ခုတွင် တိုက်ပွဲဝင်နေသော
KNDF(ဒီမော့ဆို) တပ်ဖွဲ့ဝင်တစ်ဦး။
ဓါတ်ပုံ-KNDF(ဒီမော့ဆို) )
