စစ်ကိုင်းတိုင်း၊ ဆားလင်းကြီးမြို့နယ်အတွင်းရှိမုံရွာ-ပုသိမ်လမ်းပေါ်တွင် ယနေ့အကြမ်းဖက် စစ်ကောင်စီ၏ ကား ၂ စီး မိုင်းခွဲ တိုက်ခိုက်ခံရပြီး စစ်ကောင်စီတပ်သား ၆ ဦးခန့်သေဆုံးနိုင်ကာအများအပြား ထိခိုက်ဒဏ်ရာ ရရှိသွားကြောင်း ဆားလင်းကြီးတော်လှန်ရေးသတင်းစဥ်ကသတင်းထုတ်ပြန်သည်။
ယနေ့ (နိုဝင်ဘာ ၇ ရက်) နံနက် ၉ နာရီခန့်က ဆားလင်းကြီးမြို့နယ်၊ မုံရွာ – ပုသိမ်လမ်းပေါ် အောင်ဇေယျကုန်းနှင့်ရဲတပ်ရင်းကြား စွမ်းရည်ထက် ဆီဆိုင်အနီးတွင်စစ်ကား ၂ စီးကို ယင်းမာပင် နှင့် ဆားလင်းကြီး pdf ပူးပေါင်းအဖွဲ့က မိုင်းခွဲတိုက်ခိုက်ခဲ့ကြောင်း Salingyi Revolution Newsက ဖော်ပြသည်။
ကား ၁ စီး မိမိရရထိကာ စစ်သား ၆ယောက်ခန့်သေဆုံးနိုင်ပြီး အများအပြား ထိခိုက်ဒဏ်ရာရနိုင်သည်ဟု pdfအဖွဲ့ဝင် တစ်ဦးကအတည်ပြုကြောင်းဖော်ပြသည်။
ရဲနှင့်စစ်သားများလည်း ထပ်မံရောက်ရှိလာပြီး ရမ်းသမ်းပစ်ခတ်ခဲ့သည့်အတွက် အောင်မိုးတောပြင်ရှိ အပစ်မဲ့ပြည်သူတစ်ဦး သေနတ်ကျည်ထိမှန်ရာ ဒဏ်ရာရခဲ့သည်ဟု ဒေသခံတို့က ပြောသည်။