ရွှေပြည်သာမြို့နယ်တွင် အကြမ်းဖက်စစ်တပ်က လမ်းပိတ်စစ်ဆေးစဥ် ဆိုင်ကယ်ရပ်မပေးသည့် ရာအိမ်မှူးကို အကြမ်းဖက်စစ်ကောင်စီတပ်က ပစ်သတ်လိုက်ကြောင်း ဒေသခံများက ပြောသည်။
ယနေ့(နိုဝင်ဘာ ၁၄ ရက်) နံနက် ၁၁ နာရီခန့်က အမှတ် (၄)ရပ်ကွက် တော်ဝင်လမ်းအတွင်း ပစ်ခတ်မှုဖြစ်ပွားရာ အဆိုပါရပ်ကွက်ရာအိမ်မှူး ဦးတင်မောင်သန်း ပစ်သတ်ခံရခြင်းဖြစ်သည်။
“ဆိုင်ကယ်ရပ် မပေးလို့ သုံးချက်လောက်ပစ် သံကြားရတာ။ပထမတော့ ခြိမ်းခြောက်ပစ်တာလို့ပဲသိတာ။နောက်မှ လူသေတယ်။သေတဲ့သူကလည်း ရာအိမ်မှူးတင်မောင်သန်းဖြစ်နေတာ”ဟု အမှတ် ၄ ရပ်ကွက်နေသူတစ်ဦးက ပြောသည်။
ထို့အပြင် နိုဝင်ဘာ ၁၃ ရက်ကလည်း ရွှေပြည်သာမြို့နယ်ရှိအာဏာသိမ်းစစ်ကောင်စီခန့်ရာအိမ်မှူးတစ်ဦး သေနတ်ဖြင့် ပစ်ခတ်ခံခဲ့ရသည်။
Public Service Announcement
၎င်းမှာအမှတ်(၁၁)ရပ်ကွက် ရာအိမ်မှုး စိန်မြင့်(ခ)ဗိုလ်စိန် ဖြစ်ပြီး နေအိမ်အပြင်ရှိနေစဥ် သေနတ်ဖြင့် ပစ်ခတ်ခံရခြင်း ဖြစ်သည်။
သေနတ်ဖြင့် ပစ်ခတ်ခံရသူ ရာအိမ်မှုးသည် ရပ်ကွက်အတွင်း ဒလန်ဟု အများကသတ်မှတ်ထားကာ စစ်ကောင်စီတပ်သားများနှင့် တွဲသွားတွဲလာရှိကြောင်း ဒေသခံအချို့က သတ်မှတ်ထားသည်။
