ပြီးခဲ့တဲ့ ရက်ပိုင်းက ထောင်ဒဏ် ၁၁ နှစ်ချလိုက်တဲ့ အမေရိကန်သတင်းထောက် ဒန်နီဖန်စတာကို ဒီနေ့မှာပြန်လွှတ်ပေးလိုက်တယ်လို့သိရပါတယ်။
ဒီနေ့ ပြန်လွှတ်ပေးပြီး ရန်ကုန်ကနေ ထွက်ခွာမယ့်လေယာဉ်ပေါ် စစ်ကောင်စီကတင်ပေးလိုက်တယ်လို့သိရပါတယ်။
ဒန်နီဖန်စတာကို အများပြည်သူမငြိမ်မသက်ဖြစ်စေဖို့လှုံဆော်မှု ရာဇသတ်ကြီး ပုဒ်မ ၅၀၅ (က) ၊ မတရားအသင်းဆက်သွယ်မှု ပုဒ်မ ၁၇ (၁) ၊ ဗီဇာစည်းကမ်းမလိုက်နာမှု လဝက ဥပဒေပုဒ်မ ၁၃ (၁) တို့ နဲ့ စစ်ကောင်စီက တရားစွဲဆိုပြီး နိုဝင်ဘာလ ၁၂ ရက်က ထောင်ချခဲ့တာပါ။
ဒီနေ့ အမိန့်ချရာမှာ ပုဒ်မ ၅၀၅ (က) အတွက် ထောင် ၃ နှစ် ၊ ပုဒ်မ ၁၇(၁) အတွက် ထောင် ၃ နှစ်နဲ့ လဝက ဥပဒေပုဒ်မ ၁၃ (၁) အတွက် ထောင် ၅ နှစ်နဲ့ ငွေဒဏ် ၁ သိန်း စုစုပေါင်း ထောင်ဒဏ် ၁၁ နှစ် ချလိုက်တာ လို့ Frontier Myanmar သတင်းဌာနက ထုတ်ပြန်ပါတယ်။
Public Service Announcement
ဒန်နီဖန်စတာဟာရန်ကုန်အခြေစိုက် သတင်းမီဒီယာ Frontier Myanmar ရဲ့ အုပ်ချုပ်မှုအယ်ဒီတာဖြစ်ပါတယ်။
ပြီးခဲ့တဲ့မေလ အတွင်း အမေရိကန်နိုင်ငံ၊ ဒက်ထရွိုက်မှာရှိတဲ့ မိသားစုဆီပြန်ဖို့အတွက် ရန်ကုန်လေဆိပ်မှာ ရောက်ရှိချိန် စစ်ကောင်စီ က ဖမ်းဆီးခဲ့တာပဲဖြစ်ပါတယ်။
