တပ်တွင်း၌ အောင်သပြေပန်းများ ဝေဝေဆာဆာ စိုက်ပျိုးကြရန်၊ ဘုရား၊စေတီများတွင် ကပ်လှူကြရန်နှင့် စစ်သည်များအား သပြေပန်းများနှင့် ကြိုဆိုကြရန်ဆိုကာ အကြမ်းဖက်စစ်ကောင်စီ၏ ညွှန်ကြားစာ ပေါက် ကြားလာသည်။
အောင်သပြေပန်းနှင့်စပ်လျဥ်း၍ တပ်ရင်း၊တပ်ဖွဲ့များရှိ ဓမ္မာရုံ၊တပ်အတွင်းကိုးကွယ်သည့် ဘုရား၊စေတီများနှင့် တပ်ရင်းမှူး နေအိမ်များတွင် အောင်သပြေပန်းများ ဝေဝေဆာဆာ ကပ်လှူရမည်ဟု ဆိုသည်။
တပ်ရင်းမှူးများ တာဝန်ထမ်းဆောင်ရန် ထွက်ခွာချိန်နှင့် ပြန်လည်ထွက်ခွာချိန်တွင် အရာရှိနှင့် စစ်သည်များကို အောင်သပြေပန်းများနှင့် ဝေဝေဆာဆာ လက်ကမ်းကြိုဆိုရန်လည်း အဆိုပါညွှန်ကြားစာတွင်ဖော်ပြသည်။
တပ်ရင်း၊တပ်ဖွဲ့များတွင် အောင်သပြေပန်းများကို စိုက်ပျိုးသွားရန် နှင့် ရှင်သန်အောင်မြင်ရန် စိုက်ပျိုးထားသည့် ဓာတ်ပုံ၊ဗီဒီယိုမှတ်တမ်းများကို ရိုက်ကူးထားရမည်ဟုလည်း အဆိုပါ ညွှန်ကြားစာတွင် ပါရှိသည်။
” ကလေးတွေနဲ့ တိုက်တဲ့အခါတိုင်း ရှုံးနေတော့ နိုင်မလားဆိုပြီး ရူးပြီးလျှောက်လုပ်ခိုင်းနေတာ။ ယတြာချေခိုင်းတဲ့သူလည်း ရှိမှာပေါ့”ဟု အကြမ်းဖက်စစ်ကောင်စီတပ်၏ သပြေပန်းလှုပ်ရှားမှုနှင့်ပတ်သက်ပြီး ပြည်သူတစ်ဦးက မှတ်ချက်ပြုသည်။
Public Service Announcement
“စစ်ကောင်စီရဲ့ ရွှေဉာဏ်တော်စူးရောက်ပုံ။အောင်သပြေဝယ်လို့ရတဲ့နေရာ ညွှန်လိုက်ကြပါဦး။ ပြည်သူကို ဒုက္ခပေးပြီး အောင်သပြေစိုက်တိုင်း အောင်နိုင်မယ့် ခေတ်မဟုတ်တော့ဘူး”ဟု CDMပြုလုပ်ကာ ပြည်သူ့ဘက်မှရပ်တည်ထားသော ဗိုလ်ကြီးညီသုတက လူမှုကွန်ရက်တွင် မှတ်ချက်ပြုရေးသားထားသည်။
ထို့အပြင် စစ်ကောင်စီ အမြန်ပြိုလဲရေးအတွက် DSTA မှ CDM တပ်မတော်သား နည်းပညာကျောင်းဆင်း
များဦးဆောင်သည့် စစ်လက်နက်ထုတ်လုပ်ရေးတပ်ဖွဲ့ကို အားစိုက်ပေးရန်လည်း ၎င်းက တောင်းဆိုသည်။
လက်နက်ထြတ်လုပ်မှုမှာ PDF တပ်ဖွဲ့များစျေးကြီးပေးဝယ်နေရသော အခြေအနေကို တတ်နိုင်သလောက်ဖြည့်ဆည်းပေးဖို့ ရည်ရွယ်သည်ဟု ဆိုသည်။
