ဆောမြို့နယ်တွင်တိုက်ပွဲပြင်းထန်​နေ၊ စစ်​ကောင်စီတပ်ကရဟတ်ယာဥ်ပါအသုံးပြုတိုက်ခိုက်

ဆောမြို့နယ်အတွင်း စစ်ကြောင်းထိုးလာသောအကြမ်းဖက်စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့များအကြားယ​နေ့မနက်မှစ၍တိုက်ပွဲပြင်းထန်နေသည်။

“ဆော ဒေသကို မနေ့ကတည်းက စစ်တပ်က စစ်ကြောင်းထိုးနေတာ။ဒီနေ့တိုက်ပွဲက ပြင်းတယ်။ရဟတ်ယာဥ် နှစ်စီးပါသုံးနေတယ်လို့လည်းမြေပြင်က သတင်းပို့တယ်”ဟု ဆောမြို့နယ် ပြည်သူ့အုပ်ချုပ်ရေးအဖွဲ့တာဝန်ရှိသူကပြောသည်။

နံနက် ၉ နာရီဝန်းကျင်ကစ၍ ကျိန်ချောင်းရွာနှင့်တောမရွာအနီး အကြမ်းဖက်စစ်ကောင်စီတပ်ကို Yaw Defense Force ၊CDF Mindat ၊ CDF Kanpetlet တို့ပူးပေါင်း၍ တိုက်နေခြင်းဖြစ်ကြောင်း ၎င်းကရှင်းပြသည်။ နေ့လည်ပိုင်းအထိ တိုက်ပွဲများဆက် လက်ဖြစ်ပွားနေပြီး ထိခိုက်ကျဆုံးမှုကို အတည်ပြုမရသေးပေ။

ဒေသတွင်း ​တော်လှန်​ရေးတပ်ဖွဲ့ Yaw Eagle ၏ နေ့လည် ၁၁ နာရီခန့်တွင် ထုတ်ပြန်ချက်အရ ယောဒေသတွင် တိုက်ပွဲအတည်ပြုချက်အရ YDF မှ နှစ်ဦးကျဆုံးပြီး နှစ်ဦးဒဏ်ရာရသည်ဟု ဆိုသည်။အကြမ်းဖက်စစ်ကောင်စီဘက်၌ ခန့်မှန်းသုံးဦး အနည်းဆုံးသေဆုံးကာ အများအပြားဒဏ်ရာရနိုင်သည်ဟု Yaw Eagle က ထုတ်ပြန်သည်။

Public Service Announcement

နိုဝင်ဘာ ၁၅ ရက်ကစ၍ အကြမ်းဖက်စစ်ကောင်စီမှာ အင်အား ၃၀၀ ခန့်ဖြင့် ဆောမြို့နယ် အပါအဝင် ယော ဒေသအတွင်း တပ်စွဲပြီး စစ်​ကြောင်းထိုးလာခြင်းဖြစ်သည်။