'/%3E%3C/svg%3E){kind=small}
တရုတ်သမ္မတရှီကျင့်ဖျင်တက်ရောက်မယ့် တရုတ်-အာဆီယံ ထိပ်သီးအစည်းအဝေးမှာ မြန်မာအကြမ်းဖက်စစ်ခေါင်းဆောင်မင်းအောင်လှိုင်ကို တက်ရောက်ခွင့်မပေးဖို့ အာဆီယံအဖွဲ့ဝင်နိုင်ငံ အချို့က သဘောထားရှိနေကြပါတယ်။
လာမယ့် နိုဝင်ဘာ ၂၂ မှာ တရုတ်-အာဆီယံထိပ်သီးခေါင်းဆောင်အစည်းအဝေးကို ကျင်းပမှာဖြစ်ပြီး အဲဒီအစည်းအဝေးမှာ မင်းအောင်လှိုင်ကို တက်ရောက်ခွင့်မပေးဖို့ အင်ဒိုနီးရှား၊ ဘရူနိုင်း၊ မလေးရှား၊ စင်ကာပူနိုင်ငံတို့က လိုလားနေကြတာပါ။
“မလေးရှား၊ အင်ဒိုနီးရှား၊ စင်ကာပူနဲ့ ဘရူနိုင်းတို့က (ပြီးခဲ့တဲ့)အာဆီယံထိပ်သီးညီလာခံကလို ရပ်တည်ချက်ကို ဆက်ထိန်းသိမ်းဖို့သဘောတူထားကြပါတယ်” လို့ အာဆီယံအဖွဲ့ဝင်တစ်နိုင်ငံ က အမည်မဖော်လိုတဲ့ အစိုးရရင်းမြစ်တစ်ဦးက ပြောပါတယ်။
ပြီးခဲ့တဲ့ အာဆီယံထိပ်သီးညီလာခံမှာ အာဏာသိမ်း အကြမ်းဖက်ခေါင်းဆောင်မင်းအောင်လှိုင်ကို တက်ရောက်ခွင့်မပေးခဲ့ဘဲ နိုင်ငံရေးနဲ့မသက်ဆိုင်တဲ့ကိုယ်စားလှယ်ကိုသာ ဖိတ်ကြားခဲ့ပါတယ်။ ဒါပေမဲ့ စစ်ကောင်စီက တက်ရောက်ခြင်းမရှိခဲ့ပါဘူး။
Public Service Announcement
အာဏာသိမ်းပြီးနောက်ပိုင်း မြန်မာနိုင်ငံကို အနည်းဆုံး နှစ်ကြိမ်လာရောက်ခဲ့တဲ့ တရုတ်အထူးကိုယ်စားလှယ်ဆွန်းကော်ရှန်းက တရုတ်-အာဆီယံထိပ်သီးအစည်းအဝေးမှာ မင်းအောင်လှိုင် တက်ရောက်ခွင့်ရရေး စည်းရုံးစွဲဆောင်ပေမယ့် အာဆီယံအဖွဲ့ဝင်နိုင်ငံတွေက ဆန့်ကျင်ကန့်ကွက်ထားကြပါတယ်။
ကိုးကား – Reuters
