အာဏာရှင်စနစ်ကို အမြစ်ပြတ် ချေမှုန်းရေးအတွက် အားသွန်ခွန်စိုက် ဆောင်ရွက်နေချိန်တွင် တစ်ဖက်တွင် အာဏာရှင်စနစ်ကို အားပေးအားမြှောက် ဖြစ်နေသည့် ဝန်ထမ်း(Non-CDMs) များ၊ အခြားသော ပုဂ္ဂိုလ် အဖွဲ့အစည်းများအနေဖြင့် မိမိတို့ ကျရာ အခန်းကဏ္ဍမှ အမြန်ဆုံး ပြည်သူနှင့်အတူ ပူးပေါင်းဆောင်ရွက်ကြရန် နောက်ဆုံးအနေဖြင့် သတိပေးထုတ်ပြန်ကြောင်း ပလက်၀မြို့နယ် ချင်းကာကွယ်ရေးတပ်ဖွဲ့(CDF)က ယနေ့ ထုတ်ပြန်သည်။
ဆက်လက်ပြီး အကြမ်ဖက် စစ်ကောင်စီနှင့် ပူးပေါင်း ဆောင်ရွက်နေသော လုပ်ရပ်များ လုပ်ဆောင်နေပါက ပြင်းပြင်းထန်ထန် အရေးယူ ဆောင်ရွက်သွားမည်ဖြစ်ကြောင်းလည်း သတိပေးချက်၌ ဖော်ပြထားသည်။
တစ်နိုင်ငံလုံး၏ ဘုံရန်သူဖြစ်သည့် အာဏာသိမ်းအကြမ်းဖက် စစ်ကောင်စီအား အမြစ်ပြတ်ချေမှုန်းနေချိန်တွင် ဒလန် ဟု ခေါ်သော အဖျက်အမှောက် အဟန့်အတား ဖြစ်စေရန် ပြုလုပ်နေသည့် မည်သည့် ပုဂ္ဂိုလ် အဖွဲ့အစည်းများကို မဆို ကန့်ကွက်ရှုတ်ချကြောင်းလည်း ပလက်၀ CDFက ထုတ်ပြန်ခဲ့သည်။
ပလက်၀ CDFကို ဧပြီ လကုန်ပိုင်းက ဖွဲ့စည်းထားခြင်ဖြစ်ပြီး ယခု နိုဝင်ဘာတွင် စစ်ကောင်စီတပ်နှင့် တိုက်ပွဲ စတင်ဖြစ်ပွားခဲ့သည်။ ပလက်၀ မြို့နယ် ဆမီးဒေသသို့ ထိုးစစ်ဆင်အင်အားဖြည့်လာသည့် စစ်ကောင်စီတပ်ကို ပလက်၀ CDFက ခြုံခိုတိုက်ခိုက်ခဲ့၍ စစ်ကောင်စီတပ်မှ သေဆုံးထိခိုက်မှုများ ရှိခဲ့သည်။
Public Service Announcement
