'/%3E%3C/svg%3E){kind=small}
လှိုင်မြို့နယ်တွင် ယမန်နေ့(နိုဝင်ဘာ ၂၄)ညပိုင်းက စစ်ကောင်စီတပ်များ ဧည့်စာရင်းဝင်စစ်ပြီးနောက် ပြည်သူ ၁၁ ဦးခန့်ကို ဖမ်းဆီးသွားကြောင်း ဒေသခံများက ပြောသည်။
ဖမ်းဆီးစစ်ဆေးမှုများကို လှိုင် (၁)ရပ်ကွက် လှိုင်မြစ်လမ်းနှင့် အောင်သစ္စာလမ်းများရှိ နေအိမ်အချို့ကို စစ်ကောင်စီတပ်များက ဝင်ရောက်စစ်ဆေးခဲ့ပြီး လှိုင်မြစ်လမ်းမှ ခြောက်ဦးနှင့် အောင်သစ္စာလမ်းမှ ငါးဦးကို အသီးသီးကိုဖမ်းဆီးခေါ်ဆောင်သွားခြင်းဖြစ်သည်ဟု ဒေသခံများက ဆိုသည်။
လာရောက်ဖမ်းဆီးသည့်ဖြစ်စဉ်မှာ လှိုင်မြို့နယ်အတွင်း အာဏာရှင်ဆန့်ကျင်ရေး ဆန္ဒပြလှုပ်ရှားမှုများ၌ ပါဝင်သည့် လူငယ်အချို့ရှိနေသည်ဆိုကာ နေအိမ်အချို့အား ဝင်ရောက်ရှာဖွေခဲ့သော်လည်း သက်ဆိုင်သူများကို ရှာမတွေ့သဖြင့် အခြားသူများကို ဧည့်စာရင်းအကြောင်းပြဖမ်းဆီးသွားခြင်းဖြစ်ကြောင်း ဒေသခံတစ်ဦးက ပြောသည်။
“လှိုင်မြစ်လမ်းသွယ် (၁)က ၅ ယောက် အောင်သစ္စာလမ်းက ၆ ယောက်က ဧည့်နဲ့ ဖမ်းသွားတာ။ ငါးမရ ရေချိုးပြန်လုပ်သွားတာ”ဟု ယင်းဒေသခံက ပြောသည်။
Public Service Announcement
အကြမ်းဖက်စစ်ကောင်စီတပ်များ လှိုင်မြို့နယ်အတွင်း ဝင်ရောက်ရှာဖွေဖမ်းဆီးစစ်ဆေးမှုများကို ယမန်နေ့ည ၈ နာရီခန့်တွင် တစ်ကြိမ် ည ၁၁နာရီခန့်တွင် တစ်ကြိမ် နှစ်ကြိမ်တိတိဝင်ရောက်ရှာဖွေခဲ့ခြင်း ဖြစ်သည်။
