ကချင်ပြည်နယ် မိုးညှင်းမြို့နယ်အတွင်းရှိ ကချင်လက် နက်ကိုင်အဖွဲ့(KIA) တပ်ရင်း (၂၆)နယ်မြေကို အာဏာ သိမ်းစစ်ကောင်စီတပ်က စစ်လေယာဉ်ဖြင့် ဗုံးပစ်ချ တိုက်ခိုက်ခဲ့ဟု KIA သတင်းနှင့်ပြန်ကြားရေးဌာန Kachin Burmese က သတင်းဖော်ပြသည်။
KIA တပ်မဟာ(၉)၊ တပ်ရင်း(၂၆)နယ်မြေ NawngLut ဒေသတွင်ယနေ့ နိုဝင်ဘာလ(၂၅) ရက် နံနက် ၁နာရီ နှင့် ၂နာရီ ခွဲအချိန်တွင် အာဏာသိမ်းစစ်ကောင်စီတပ်မှ စစ်လေယာဉ်နှင့် ဗုံးပစ်ချတိုက်ခိုက် ခဲ့သည်ဟု ဖော်ပြထားသည်။
အဆိုပါဒေသ၌ KIA နှင့် အာဏာသိမ်း စစ်ကောင်စီတပ်ဖွဲ့များ တိုက်ပွဲဖြစ်ပွားခြင်းမရှိသော်လည်း စစ်ကောင်စီက စစ်လေယာဉ်နှစ်စီး ဖြင့် (၅)ကြိမ်ခန့် ဗုံးပစ်ချခဲ့ကြောင်း၊ KIA ဘက်မှ ထိခိုက်မှုမရှိကြောင်း ကေအိုင်အေဘက်မှ ထိခိုက်ခြင်းမရှိကြောင်း Kachin Burmese က ရေးသားထားသည်။
KIA တပ်ရင်း(၆)နယ်မြေ ဖားကန့်ဒေသ၌ နိုဝင်ဘာ ၁၃ ရက်မှ ၁၆ရက်အတွင်း တိုက်ပွဲများ နေ့စဥ်ဖြစ်ပွားစဉ်ကလည်း စစ်ကောင်စီတပ်က လေကြောင်းမှ တိုက်ခိုက်မှု လုပ်ဆောင်ခဲ့သည်။
Public Service Announcement
