ကပ်ရောဂါနဲ့ စစ်အာဏာသိမ်းမှုကြောင့် မြန်မာပြည်သူတွေရဲ့ ဆင်းရဲမွဲတေမှုဟာ နှစ်ဆမြင့်တက်လာပြီး ပြည်သူတစ်ဝက်ခန့်ဟာ တစ်ရက်တစ်ဒေါ်လာအောက်ဝင်ငွေနဲ့ ရပ်တည်ရလိမ့်လို့ ကုလသမဂ္ဂဖွံ့ဖြိုးမှစီမံကိန်း(UNDP) က ပြောပါတယ်။
လာမယ့်နှစ်အစောပိုင်းမှာ မြန်မာနိုင်ငံရဲ့လူဦးရေထက်ဝက်နီးပါးဟာ ဆင်းရဲမွဲတေမှုအောက်မှာ နေထိုင်ရလိမ့်မယ်လို့ UNDPက ဒီဇင်ဘာ ၁ရက်မှာ ထုတ်ဖော်ပြောဆိုပါတယ်။
အကြမ်းဖျဥ်းအားဖြင့် အဲဒီအရေအတွက်ဟာ ပြီးခဲ့တဲ့ငါးနှစ်ကထက် နှစ်ဆမြင့်တက်လာတာဖြစ်ပါတယ်။
ဆင်းရဲမွဲတေမှုမျဥ်းအောက်က လူဦးရေရာခိုင်နှုန်းဟာ ၂၀၁၇ က ရှိခဲ့တဲ့ ၂၄.၈ ရာခိုင်နှုန်းကနေ ၄၆.၃ ရာခိုင်နှုန်းအထိ မြင့်တက်လာပြီး တစ်ရက်ဝင်ငွေဟာ ၁၅၉၀ ကျပ်(ဒေါ်လာ ၀.၉၀)သာ ရှိမယ်လို့ UNDPက ဆိုပါတယ်။
Public Service Announcement
မြို့ပြဒေသမှာ ဆင်းရဲမွဲတေမှုဟာ ၂၀၂၂ အစောပိုင်းမှာ ၂၀၁၇ တုန်းက ၁၁.၃ ရာခိုင်နှုန်းထက် သုံးဆကျော် ၃၇.၂ ရာခိုင်နှုန်းအထိ မြင့်တက်သွားပါတယ်။
“ဒီနှုန်းနဲ့ ဆင်းရဲမွဲတေမှုမြင့်တက်မှုဟာအလယ်အလတ်လူတန်းစား ပျောက်ကွယ်မယ့်သဘောသက်ရောက်ပါတယ်”လို့ UNDP ရဲ့ အာရှ-ပစိဖိတ်ဒေသဆိုင်ရာ ဗျူရိုဒါရိုက်တာ Kanni Wignaraja က ပြောပါတယ်။
ကိုးကား – Nikkei Asia
