အရာတော်-ထီးဆောင်း-မြင်းမူလမ်းပိုင်းအား ခရီးသွားလာခြင်းကို အထူးတားမြစ်ပိတ်ပင်ကြောင်း ဒေသခံပြည်သူ့ကာကွယ်ရေးတပ်ဖွဲ့များက အရေးပေါ် သတိပေးချက် ယနေ့ ထုတ်ပြန်သည်။
ဒီဇင်ဘာ ၆ရက် နံနက် ၆နာရီခန့်ကစ၍ နေရာတစ်နေရာတွင် တိုက်ပွဲဆင်နွှဲနေပါ၍ လမ်းပိုင်းအသုံးပြုခြင်းကို တားမြစ်ခြင်းဟု မြင်းမူပြည်သူ့ကာကွယ်ရေးတပ်ဖွဲ့က
MMPDF က ဆိုသည်။
တားမြစ်သည့်ကြားသွားလာပါက တာဝန်ယူမည် မဟုတ်ကြောင်းလည်း အသိပေးသည်။
“ဒီမနက် အစောကတည်းက ခြေလျင်ရော၊ကားတွေနဲ့ပါ စစ်ခွေးတွေ ခြေရှုပ်နေတယ်။အချိန်မရွေး တိုက်ပွဲကြီး၊ငယ် ဖြစ်နိုင်လို့ ပြည်သူတွေအနေနဲ့ ရှောင်ရှားပေးပါ။တက်နိုင်ရင် အိမ်ထဲမှာပဲနေကြပါ”ဟု အရာတော်မြို့နယ် တော်လှန်ရေး အင်အားစုမှ ဗိုလ်ပေါက်စီက ပြောသည်။
Public Service Announcement
တိုက်ပွဲကာလအတွင်း စစ်ကိုင်းတိုင်းရှိ မြို့နယ်ချင်းဆက် လမ်းပိုင်းများကို အသုံးမပြုကြရန်လည်း ပြည်သူ့ကာကွယ်ရေးတပ်များက မကြာခဏ သတိပေးမှုများရှိနေသည်။
စစ်ကိုင်းတိုင်းရှိ ပြည်သူ့ကာကွယ်ရေး တပ်ဖွဲ့များ အားကောင်းသည့် မိုင်းဆွဲတိုက်ခိုက်မှုများကြောင့်လည်း လမ်းပိုင်းဆိုင်ရာအချို့ ကို ယာယီပိတ်ပင်ပြီး အကြမ်းဖက်စစ်ကောင်စီကို တိုက်ခိုက်နေခြင်းလည်းဖြစ်သည်။
