ကန့်ဘလူမြို့နယ်တွင်ပျူစောထီးများ လိုက်ပါလာသည့်ကားကို ပြည်သူ့ကာကွယ်ရေးတပ်ဖွဲ့တစ်ဖွဲ့က အဝေးထိန်းစနစ်ဖြင့် မိုင်းခွဲတိုက်ခိုက်ခဲ့သည်။
ပျူစောထီး ခုနှစ်ဦး လိုက်ပါလာသော ကားကို ကန့်ဘလူမြို့နယ် ရင်ခတ်ကျေးရွာအနီးတွင် အဝေးထိန်းစနစ်ဖြင့်မိုင်းသုံးဆင့်ခွဲကာတိုက်ခိုက်ခဲ့သည်ဟု Kanbalu Underground Warriors က ထုတ်ပြန်သည်။
ယနေ့(ဒီဇင်ဘာ ၆ရက်)နေ့လည် ၁ နာရီ ၃၃ မိနစ်တွင် တိုက်ခိုက်ခဲ့ခြင်းဖြစ်ပြီး အသေအပျောက်စာရင်းမသိရသေးဟုထုတ်ပြန်သည်။
“ပျူတွေ လာတဲ့လမ်းကြောင်းကို သေချာ စောင့်ကြည့်ပြီး တိုက်တာ။ ပျုတွေ အထိနာသွားပါတယ်”ဟု Kanbalu Underground Warriors ၏ တိုက်ခိုက်မှုအခြေအနေကို ဒေသခံတစ်ဦးက ပြောသည်။
Public Service Announcement
စစ်ကိုင်းတိုင်း အရာတော်မြို့နယ် သလဲဘာကျေးရွာမှ ပျူစောထီးအဖွဲ့ကိုလည်း အရာတော်မြို့နယ် တော်လှန်ရေးအင်အားစု(ARA) ဦးဆောင်၍ပြည်သူ့ကာကွယ်ရေးတပ်ပေါင်းစုက ယနေ့တိုက်ခိုက်ခဲ့ရာ ပျူစောထီး ခြောက်ဦးသေဆုံးသွားသည်။
