ကလေးမြို့တွင် CDM ရဲတပ်ဖွဲ့ဝင်များဖြင့် Kalay Police Service ရဲအဖွဲ့ဖွဲ့စည်းလိုက်ပြီးနောက် ဂန့်ဂေါခရိုင်တွင်လည်း CDM ပြည်သူ့ရဲတပ်ဖွဲ့ (ယာယီ) ကို ဖွဲ့စည်းလိုက်သည်။
ဂန့်ဂေါခရိုင်အတွင်း ဂန်ဂေါ၊ ထီးလင်း၊ ဆော၊ ကျောက်ထု နှင့် ကျောမြို့နယ်တို့ပါဝင်သည့် CDM ပြည်သူ့ရဲ တပ်ဖွဲ့ (ယာယီ) ကိုယနေ့(ဒီဇင်ဘာ ၆ရက်)ရက်ဖွဲ့စည်းလိုက်ခြင်းဖြစ်သည်။
ဂန့်ဂေါခရိုင် CDM ပြည်သူ့ရဲတပ်ဖွဲ့ (ယာယီ)သည် အထက်ပါ မြို့နယ်ငါးခုအတွင်းရှိ ဒုစရိုက်မှုများကို နှိမ်နှင်းခြင်း၊ ပြည်သူလူထု၏ အသက်အိုးအိမ်များကို ကာကွယ်စောင့်ရှောက်ခြင်း၊ တရားမျှတမှုများကို ဖော်ထုတ်ပေးခြင်း စသည့် ပြည်သူ့ဘဝ လုံခြုံရေး လုပ်ငန်းစဉ်များကို အဓိက ဦးစားပေးလုပ်ကိုင်သွားမည်ဟု ထုတ်ပြန်ထားသည်။
ထို့အပြင် အမျိုးသားညီညွတ်ရေး အစိုးရ (NUG) နှင့် ပူးပေါင်းဆောင်ရွက်ပြီး တရားဝင် “ဂန်ဂေါခရိုင် CDM ပြည်သူ့ရဲတပ်ဖွဲ့” ဖွဲ့စည်းနိုင်သည်အထိ ဆက်လက် လုပ်ဆောင်သွားမည်ဖြစ်ကြောင်းဂန့်ဂေါခရိုင် CDM ပြည်သူ့ရဲတပ်ဖွဲ့ (ယာယီ)က ယနေ့ ထုတ်ပြန်ချက်တွင် ဖော်ပြထားသည်။
Public Service Announcement
ကလေးမြို့နယ်တွင်လည်း ပြည်သူ့ကာကွယ်ရေးတပ်(Kalay PDF)က ဦးဆောင်ကာ ဒေသတွင်းရှိ CDM ရဲတပ်ဖွဲ့ဝင်များဖြင့် Kalay Police Service ရဲအဖွဲ့ကို ယနေ့စတင်ဖွဲ့စည်းခဲ့သည်။နွေဦးတော်လှန်ရေးတွင် နိုဝင်ဘာလကုန်ပိုင်းအထိ့ နိုင်ငံတစ်ဝန်းပြည်သူရင်ခွင်လှုံ့လာသော ရဲတပ်ဖွဲ့ဝင် ၆,၀၀၀ ကျော်ရှိနေပြီဟု အမျိုးသားညီညွတ်ရေးအစိုးရက ထုတ်ပြန်ထားသည်။
