မုံရွာ-ရွှေဘိုလမ်းတွင် အကြမ်းဖက်စစ်ကောင်စီယာဥ်တန်း တိုက်ခိုက်ခံရ၍ စစ်သား၁၀ဦးထက် မနည်း​သေ

မုံရွာ-ရွှေဘိုလမ်းတွင် အကြမ်းဖက်စစ်ကောင်စီယာဥ်တန်းကို တိုက်ခိုက်ခဲ့ပြီး စစ်သား ၁၀ ဦးထက် မနည်း ထိခိုက်သေဆုံးနိုင်ကြောင်း အရာတော်မြို့နယ် တော်လှန်ရေးအင်အားစု ARAက ထုတ်ပြန်သည်။

ယနေ့(ဒီဇင်ဘာ ၁၀ ရက်) နံနက်ပိုင်းက ARA မှ ဗိုလ် ယက္ခ နှင့် ဗိုလ်ရောင်နီတို့ ဦးဆောင်ကာ ဇရစ်ကျေးရွာနှင့် မြေနက်ကျေးရွာကြား၌ ခြုံခို တိုက်ခိုက်ခဲ့ခြင်းဖြစ်သည်။

အကြမ်းဖက်စစ်ကောင်စီယာဥ်တန်းမှာ စစ်ကောင်စီအရာရှိတစ်ဦးကို ကြိုလာသည့် ယာဥ်တန်းဖြစ်ပြီး ယင်းအနက် ကားအသေးနှစ်စီးမှာ မိုင်းထိ၍ နေရာ၌ပင်ထိုးရပ်သွားခဲ့သည်ဟုဆိုသည်။

စစ်သားအမျာအပြားလိုက်ပါသည့် ကားတစ်စီးမှာမူ လက်နက်ကြီးကျည်ထိမှန်ခဲ့ကြောင်း ARAက ဆိုသည်။

Public Service Announcement

“​ဖောကားကို တိုက်ရိုက် ထိသွားတယ်။ကျွန် တော်တို့မှန်းတာထက် စစ်ခွေးတွေသေတာများလိမ့်မယ်”ဟု ARA မှ ဗိုလ်ပေါက်စီက ပြောသည်။

ယခုလအတွင်း အရာတော်မြို့နယ် ၌ အကြမ်း ဖက်စစ်ကောင်စီလက်အောက်ခံ ပျူစောထီးများ အခြေစိုက်သည့် သလဲဘာကျေးရွာကို တော် လှန်ရေးအင်အားစုများ ဝင်ရောက်စီးနင်းတိုက်ခိုက်ထားသည်။