ကရင်နီအမျိုးသားကာကွယ်ရေးတပ်ဖွဲ့(KNDF)နှင့် အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနသည် မြေပြင်စစ်ရေး၊ နိုင်ငံရေးအခြေအနေများကို စဉ်ဆက်မပြတ်ချိတ်ဆက် ဆောင်ရွက်လျက်ရှိကြောင်း ကာကွယ်ရေးဝန်ကြီးဌာနက ထုတ်ပြန်ကြေညာသည်။
ကာကွယ်ရေးဝန်ကြီးဌာနအနေဖြင့် KNDFနှင့်ပက်သက်သော ကြေညာချက်ကို ယနေ့ (ဒီဇင်ဘာ ၁၃ရက်)တွင် ထုတ်ပြန်ခဲ့ခြင်းဖြစ်သည်။
ကရင်နီအမျိုးသားများ ကာကွယ်ရေးတပ်(KNDF) သည် ကရင်နီပြည်ပြည်သူ့ကာကွယ်ရေးတပ်ဖွဲ့ဖြစ်ပြီး ကာ ကွယ်ရေးဝန်ကြီးဌာန (အမျိုးသားညီညွတ်ရေးအစိုးရ)က အသိအမှတ်ပြု၊ ပူးပေါင်းဆောင်ရွက်နေသည့် အဖွဲ့အစည်းဖြစ်ကြောင်း ကြေညာခဲ့သည်။
KNDFသည် ကရင်နီအမျိုးသားတိုးတက်ရေးပါတီ (KNPP)လက်အောက်ခံတပ် ကရင်နီတပ်မတော် (KA) နှင့်အတူလက်တွဲပြီး စစ်အာဏာရှင်စနစ် ဆန့်ကျင်တော်လှန်ရေးတွင် တပ်ဦးမှတွန်းလှန် တိုက်ခိုက်နေသော တပ်ဖွဲ့ဖြစ်သည်ဟု ဆိုသည်။
Public Service Announcement
KNDFသည် စနစ်ကျသော ဖွဲ့စည်းပုံ၊ စစ်ဦးစီးမှု၊ ခိုင်မာ သော မူဝါဒများဖြင့် ကရင်နီပြည်အတိုင်ပင်ခံကောင်စီ (KSCC) ၏ ကြီးကြပ်မှု အောက်တွင် ရပ်တည်လျက်ရှိကြောင်း၊ KNDFသည် ဒေသအတွင်းရှိ ပြည်သူ့ကာ ကွယ်ရေးတပ်မတော်(PDF)တပ်ရင်းတပ်ဖွဲ့များနှင့် ပူးပေါင်း ဆောင်ရွက်ကာ စစ်အာဏာရှင်စနစ်ချုပ်ငြိမ်းရေးနှင့် ဖက်ဒရယ်ဒီမိုကရေစီပြည်ထောင်စု ပေါ်ပေါက်ရေးအတွက် တိုက်ပွဲ ဝင်နေသည့် တော်လှန်ရေးအဖွဲ့အစည်းဖြစ်ကြောင်း ကာကွယ်ရေးဝန်ကြီးဌာနက ထုတ်ပြန်သည်။
ကရင်နီ(ကယား)ပြည်နယ်နှင့် ရှမ်းပြည်နယ်တောင်ပိုင်း ဖယ်ခုံမြို့နယ်တွင် KNDF ၊KAနှင့် ဒေသခံ ပြည်သူ့ကာကွယ်ရေးတပ်ဖွဲ့များက စစ်ကောင်စီတပ်ကို မေလမှစ၍ ခုခံတိုက်ခိုက်နေရာ တိုက်ပွဲများ မကြာခဏ ဖြစ်ပွားခဲ့သည်။
