မိတ္ထီလာခရိုင် ၊ဝမ်းတွင်းမြို့နယ် ၊အိုးမတွေ့ကျေးရွာက စစ်ကောင်စီရဲ့ ကင်းပုန်းစခန်းတိုက်ခိုက်ခံရမှုနဲ့ပတ်သက်ပြီး ဒေသခံရွာသား၁၂ဦးကို ဖမ်းဆီးခံလိုက်ရပါတယ်။
ကင်ပုန်းစခန်းတိုက်ခိုက်ခံရပြီးနောက် စစ်ကောင်စီတပ်ဖွဲ့ဝင်တွေဟာ အိုးမတွေ့ကျေးရွာက ရွာသား၁၂ဦးကို ဒီဇင်ဘာလ ၁၆ရက်နေ့ ကဖမ်းဆီးသွားတာဖြစ်တယ်လို့ ဒေသခံတွေက ပြောပါတယ်။
“စရဖက ဖမ်းသွားတယ်လို့ကြားနေတယ်၊ အကုန်လုံး ရွာသားတွေက တောင်သူလုပ်ကြတာပါ”လို့ ဒေသခံတစ်ဦးကပြောပါတယ်။
ဒီဇင်ဘာ ၁၅ရက် မနက်ပိုင်းက ဝမ်းတွင်းမြို့နယ် ၊အိုးမတွေ့ကျေးရွာ အလယ်တန်းကျောင်းအပြင်ဘက်ရှိ ဇရပ်တစ်ခုမှာ ကင်းပုန်းချထားတဲ့ စစ်ကောင် စီကင်းစခန်ဟာ အဝေးထိန်းမိုင်းနဲ့ တိုက်ခိုက်ခံခဲ့ရတာပါ။
Public Service Announcement
တိုက်ခိုက်မှုကြောင့် စစ်ကောင်စီဘက်က နှစ်ဦးသေဆုံးပြီး တစ်ဦးထိခိုက်ဒဏ်ရာရရှိသွားတယ်လို့သိရပါတယ်။
