က​မ္ဘောဒီးယားအစိုးရကို ကန့်ကွက်ရှုတ်ချ​ကြောင်း နယူး​ရောက်မြို့ရှိ မြန်မာမိသားစုများ ဆန္ဒပြ

အ​မေရိကန်​နိုင်ငံ​ရောက် နယူးယောက်မြို့ရှိ မြန်မာမိသားစုများ စုပေါင်း၍ မြန်မာစစ်အာဏာရှင်အစိုးရကို အာဆီယံအတွင်း အသက်ပြန်သွင်းဖို့ ကြိုးပမ်းနေသော ကမ္ဘောဒီယားအစိုးရကို ကန့်ကွက်ရှုတ်ချသည့်ဆန္ဒပြပွဲကို ယ​နေ့တွင် ကုလသမဂ္ဂဆိုင်ရာ ကမ္ဘောဒီယားသံရုံးရှေ့၌ ပြုလုပ်ခဲ့ကြသည်။

ကမ္ဘောဒီးယားနိုင်ငံ ဝန်ကြီးချုပ် Hun Senသည် အာဏာသိမ်းစစ်​ခေါင်း​ဆောင်အဖွဲ့ကို အာဆီယံအစည်းအ​​ဝေးတက်​ရောက်ခွင့်ရှိ​ကြောင်း ​လေသံပစ်​ပြောဆိုထားသလို ဦးဝဏ္ဏ​မောင်လွင်ကိုလည်း အလည်အပတ်ခရီးအဖြစ်ဖိတ်​ခေါ်ခဲ့သည်။

ထို့အပြင် အာဆီယံအလှည့်ကျဥက္ကဌ၏ မြန်မာနိုင်ငံဆိုင်ရာအထူးကိုယ်စားလှယ်ကို ကမ္ဘောဒီးယားနိုင်ငံခြားရေးဝန်ကြီးPrak Sokhonn ကို တာဝန်ပေးခန့်အပ်မည်ဖြစ်ကြောင်း ဝန်ကြီးချုပ် Hun Sen က ဒီဇင်ဘာ ၁၅ ရက်တွင် အတည်ပြုထားသည်။