ဧပြီ-၁၆၊၂၀၂၆။ သုည/People’s Spring
ဂျပန်နိုင်ငံ တိုကျိုမြို့ရှိ နိုင်ငံခြားရေးဝန်ကြီးရုံးရှေ့မှာ ပြည်ပရောက်မြန်မာတွေ စုပေါင်းပြီး ဂျပန်အစိုးရအနေနဲ့ ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေး ဦးဆောင်ကောင်စီ (SCEF)ကို အသိအမှတ်ပြုပြီး ထောက်ခံအားပေးဖို့ ဒီကနေ့ (ဧပြီ ၁၆)မှာ ဆန္ဒပြတောင်းဆိုခဲ့ပါတယ်။
ဂျပန်ရောက် မြန်မာတွေက “We Support SCEF” စာသားနဲ့ ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေး ဦးဆောင်ကောင်စီ (SCEF)ကို ထောက်ခံကြောင်း ဆန္ဒပြခဲ့သလို “Reject The illegal Military Government of The Sham Election in Myanmar” စာသားနဲ့ အာဏာသိမ်းစစ်တပ်ရဲ့ အတုအယောင်ရွေးကောက်ပွဲရလဒ်နဲ့ ဟန်ပြအစိုးရကို လုံးဝလက်မခံဖို့လည်း ဆန္ဒထုတ်ဖော်ခဲ့ကြပါတယ်။
ဒါ့အပြင် ဂျပန်နိုင်ငံခြားရေးဝန်ကြီးဌာန တာဝန်ခံအား ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေး ဦးဆောင်ကောင်စီ (SCEF)ကို အသိအမှတ်ပြုကာ ပူးပေါင်းဆောင်ရွက်ပေးဖို့၊ ဒေါ်အောင်ဆန်းစုကြည်အပါအဝင် နိုင်ကျဥ်းအားလုံး လွတ်ပေးရန် စစ်တပ်ကို ဖိအားပေးပေးဖို့၊ ကလေးသူငယ်ပါမကျန် ဗုံးကြဲ ၊ ရွာလုံးကျွတ်မီးရှို့သတ်ဖြတ်နေတဲ့ စစ်တပ်နဲ့ စစ်တပ်ရဲ့ဒေါက်တိုင်တွေ၊ ဦးပိုင်ကုမ္ပဏီနဲ့ စစ်တပ်ဆက်စပ်လုပ်ငန်းတွေကို စီးပွါးရေးအရ ပိတ်ဆို့ပေးဖို့၊ စစ်ဘေးရှောင်တွေကို ကူညီပေးဖို့နဲ့ ဖက်ဒရယ်ဒီမိုကရေစီပြည်ထောင်စု တည်ဆောက်နိုင်ရေးအတွက် ကြိုးပမ်းနေတဲ့ မြန်မာပြည်သူတွေကို ကူညီပေးဖို့ကိုလည်း တောင်းဆိုခဲ့ပါတယ်။
Public Service Announcement
ဓာတ်ပုံ – NUG Support Team Japan
