ရန်ကုန်တောင်ပိုင်းခရိုင်း ကော့မှူးမြို့နယ် မီးသတ်စခန်းအတွင်း တပ်စွဲထားသော စစ်ကောင်စီတပ်အား ဗုံးဖြင့်ပစ်ခတ်တိုက်ခိုက်ခံခဲ့ရကြောင်း ကနဦးသတင်းရရှိသည်။
ယနေ့(ဒီဇင်ဘာ ၁၈)နံနက် ၄ နာရီခန့်တွင် မီးသတ်စခန်းအတွင်းသို့ ဗုံးသီးတစ်လုံးဖြင့် ပစ်ခတ်တိုက်ခိုက်ခံရခြင်းဖြစ်ကြောင်း ဒေသခံများက ပြောသည်။
အဆိုပါ ဗုံးပစ်တိုက်ခိုက်မှုကြောင့် စစ်ကောင်စီတပ်ဘက်မှ ထိခိုက်မှုအချို့ရှိသော်လည်း သေဆုံးမှုရှိ၊ မရှိမသိရသေးပေ။
အလားတူ ပစ်ခတ်တိုက်ခိုက်မှုနှင့်စက်လျဥ်းပြီး မည်သည့် အဖွဲ့အစည်းက တိုက်ခိုက်ခဲ့သည်ဆိုခြင်းကို လက်တလောအထိ ထုတ်ပြန်အသိပေးထားခြင်း မရှိသေးပေ။
ရန်ကုန်တိုင်း ကော့မှူးမြို့နယ်တွင် ပြီးခဲ့သည့် အောက်တိုဘာနှင့် နိုဝင်ဘာလများတွင် စစ်ကောင်စီတပ်များ တိုက်ခိုက်ခံရမှုအကြိမ်ကြိမ်ရှိခဲ့ပြီး စစ်ကောင်စီဘက်မှလည်း အပြစ်မဲ့ပြည်သူများအား မတရားဖမ်းဆီးရိုက်နှက်ခြင်း၊ သတ်ဖြတ်ခြင်းများ ကျူးလွန်ထားသည်။