'/%3E%3C/svg%3E){kind=small}
စစ်ကိုင်းတိုင်း တန့်ဆည်မြို့နယ်တွင် ယမန်နေ့က ကျေးရွာတစ်ရွာအား သောင်းကျန်းပြီးပြန်လာသောအကြမ်းဖက်စစ်ကောင်စီတပ်အား ဒေသတွင်းPDFနှစ်ဖွဲ့က မိုင်းခွဲတိုက်ခိုက်ခဲ့ပြီး ထိခိုက်သေဆုံးမှုများရှိနိုင်ကြောင်း ဒေသခံများက ပြောသည်။
ယမန်နေ့(ဒီဇင်ဘာ ၂၀ ရက်) နံနက် ၁၁ နာရီဝန်းကျင်က အကြမ်းဖက်စစ်ကောင်စီတပ်သည် တန့်ဆည်မြို့နယ် ကျွန်းလည်ရွာသို့ဆိုင်ကယ် ၃စီး ၊ ကား ၁ စီး ၊ အင်အား ၃၀ကျော်ခန့်ဖြင့် ဝင်ရောက်လာကာပြည်သူတစ်ဦးအား ပစ်သတ်၍ နေအိမ် ၃လုံးအား မီးရှို့ဖျက်ဆီးသွားခဲ့ကြောင်း ဒေသခံများက ပြောသည်။
အကြမ်းဖက်စစ်တပ်သည် ကျွန်းလည်ရွာတွင် သောင်း ကျန်းပြီးနောက် ကန့်ဘလူမြို့နယ် မိုးကောင်းရွာသို့အကူး ချောင်းတံတားတွင် တန့်ဆည်မြို့နယ် ပြည်သူ့ကာကွယ်ရေးအဖွဲ့ (ပကဖ) နှင့်တန့်ဆည်မြို့နယ် PDF တပ်ရင်း(၁၀)တို့မှ ပူးပေါင်း၍ မိုင်းခွဲတိုက်ခိုက်ခဲ့ကြောင်း အဆိုပါအဖွဲ့များက ထုတ်ပြန်သည်။
“တက်လာတဲ့အင်အား ၃၀ ကျော်မှာ ၇ ယောက်ပဲပြန်ထနိုင်တယ်။ လဲနေတဲ့သူတွေကို ကန့်ဘလူမြို့ လူမှုကူညီရေးအသင်းတစ်သင်းက လာသယ်သွားတယ်။”ဟု ပြည်သူ့ကာကွယ်ရေးအဖွဲ့ (ပကဖ-တန်ဆည်)မှ တာဝန်ရှိသူတစ်ဦးက ပြောသည်။
Public Service Announcement
စစ်တပ်ဘက်မှသေဆုံးထိခိုက်မှုအတိအကျမသိရသေးဘဲ ပြည်သူ့ ပကဖအဖွဲ့ဝင်များနှင့် PDF များဘေးအန္တရာယ်ကင်းကြောင်း ၎င်းတို့က အသိပေးသည်။
ဒီဇင်ဘာ ၁၉ ရက်ညက တန့်ဆည်မြို့နယ် ကျွန်းလည် နှင့် အင်ပင်သာ ရွာကြားတွင် ပျူစောထီးအဖွဲ့ဝင်များကို အမည်မသိ အဖွဲ့တစ်ဖွဲ့မှ ရှင်းလင်းခဲ့ပြီးနောက် ကျွန်းလည်ရွာကို ဝင်ရောက်သောင်းကျန်းခဲ့ခြင်းဖြစ်ကြောင်း ဒေသခံများက ပြောသည်။
