ပြည်သူ့အာဏာဖီဆန်ရေးလှုပ်ရှားမှု (CDM)မပြုလုပ်ဘဲ ပြည်သူလူထုထံ အခွန်ကောက်နေသော အစိုးရ ဝန်ထမ်းများအား သတိပေးသည့်အနေဖြင့် သာကေတမြို့နယ်ရှိ စည်ပင်ရုံးကို ဖောက်ခွဲခဲ့ကြောင်း ဗမာ့ နောက်ဆုံးတော်လှန်ရေးလက်နက်ကိုင်တပ်ဖွဲ့(B.F.R.A.F) က သတင်းထုတ်ပြန်သည်။
ယနေ့(ဒီဇင်ဘာ ၂၅ ရက်) နံနက် ၅နာရီကျော်တွင် သာကေတမြို့နယ် (၅)ရပ်ကွက် မြင်တော်သာလမ်းမ မြကန်သာပန်းခြံဘေးရှိ စည်ပင်ရုံးကို ဖောက်ခွဲခဲ့ခြင်းဖြစ်ပြီး သတိပေးခြင်းဖြစ်သောကြောင့် ပြည်သူများ ထိခိုက်မှူမရှိစေရန်ဖောက်ခွဲခဲ့ကြောင်း ယင်းအဖွဲ့မှ တာဝန်ရှိသူတစ်ဦးက ပြောသည်။
“ နှစ်လုံးထောင်တာ ၊ တစ်လုံးပဲ ပွင့်သွားတယ်။ နောက်တစ်လုံးပွင့်ရင် စစ်ခွေးတွေ ငရဲပို့ခွင့်ရမှာ။ ကံမကောင်းစွာနဲ့ မပွင့်ခဲ့ဘူး” ဟု ၎င်းက ပြောသည်။
သတိပေးသည့် ကြားမှ ပြည်သူများကို အခွန်ကောက်၍ အာဏာရှင်များသက်ဆိုးရှည်အောင် ဆက်လက် ထောက်ပံ့နေပါက ပြည်သူ့သစ္စာဖောက်အဖြစ် သတ်မှတ်ကာ သုတ်သင်ရှင်းလင်းမည်ဟု B.F.R.A.F အဖွဲ့က ထုတ်ပြန်ထားသည်။
Public Service Announcement
ပြီးခဲ့သည့် ရက်ကလည်း B.F.R.A.F သည် CDM ဝန်ထမ်းများကို ဖိအားပေးနေသည့် ရန်ကုန်မြို့ရှိ CB ဘဏ်ကို ဗုံးထောင်၍ သတိပေးခဲ့သည်။
