ကယားပြည်နယ် ၊ဖရူဆိုမြို့နယ် အတွင်း လမ်းပေါ်မှာ လူပေါင်း ၃၅ ဦးထက်မနည်း အစုလိုက်အပြုံလိုက် မီးရှို့သတ်ဖြတ်ခံရတဲ့ဖြစ်စဉ်မှာ ကျုးလွန်သူတွေကို အရေးယူနိုင်ဖို့ ပွင့်လင်းမြင်သာတဲ့ စုံစမ်းစစ်ဆေးမှု အမြန်ဆုံးလုပ်ဖို့ ကုလသမဂ္ဂက တောင်းဆိုလိုက်ပါတယ်။
ဒီဇင်ဘာလ ၂၄ ရက်က ဖရူဆိုမြို့နယ် မှာ အစုလိုက် သတ်ဖြတ်ခံရမှုမှာ ကလေးတွေနဲ့အမျိုးသမီးတွေလည်းပါဝင်ပါတယ်။
ဒါအပြင် လူသားချင်းစာနာထောက်ထားမှုအကူအညီတွေပေးနေတဲ့ Save the children က ဝန်ထမ်း၂ ဦးဟာလည်း ဒီဖြစ်စဉ်နဲ့ကြုံပြီး ပျောက်ဆုံးနေသလို သူတို့စီးလာတဲ့ကားဟာလည်း မီးရှို့ခံထားရတာကိုတွေ့ရပါတယ်။
ကုလသမဂ္ဂကတော့ ဖရူဆို ဖြစ်စဉ်အပါအဝင်နိုင်ငံတလွှားက အရပ်သားတွေ တိုက်ခိုက်ခံနေရတာကို ရှုတ်ချထားပါတယ်။
Public Service Announcement
ဒါအပြင်စစ်ကောင်စီအပါအဝင် လက်နက်ကိုင်အဖွဲ့အစည်းတွေအနေနဲ့လည်း အရပ်သားပြည်သူတွေကို မထိခိုက်အောင်ကာကွယ်ပေးကြဖို့ တိုက်တွန်းထားတာတွေ့ရပါတယ်။
ဖရူဆိုဖြစ်စဉ်ဟာ စစ်ကောင်စီရဲ့ လက်ချက်ဖြစ်တယ်လို့ ကရင်နီပြည်နယ်အတိုင်ပင်ခံကောင်စီက ဆိုထားပါတယ်။
စစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကလည်း ဖရူဆိုမြို့နယ်အတွင်း ကား ၇ စီးကို တားရာမှာမရပ်သေးတဲ့အပြင် ပြန်ပစ်တာကြောင့်အပြန်အလှန်ပစ်ခတ်မှုပြီး အမျိုးသမီး ၁ ဦးအပါအဝင် PDF ၂၅ ဦးသေဆုံးတယ်လို့ ဘီဘီစီသတင်းဌာနကိုပြောထားပါတယ်။
