မြန်မာပြည်သူများကို နေ့စဉ်နှင့် အမျှအကြမ်းဖက် ဖမ်းဆီးသတ်ဖြတ်မှုများ ကျူးလွန်နေသည့် အာဏာ သိမ်းစစ်ကောင်စီကို ငြိမ်းချမ်းရေးလုပ်ငန်းစဉ်များ အကောင်အထည်ဖော်ရန်ဟုဆိုကာ တရုတ်နိုင်ငံက အမေရိကန် ဒေါ်လာ ၅သိန်း ယနေ့ ပေးအပ်ခဲ့သည်။
နေပြည်တော်၌ ယနေ့(ဒီဇင်ဘာ ၂၉ရက်)တွင် ပြုလုပ်သည့် အဆိုပါအလှူငွေပေးအပ်ပွဲကို တရုတ်နိုင်ငံ သံအမတ် မစ္စတာချန်ဟိုင် တက်ရောက်ပေးအပ်ခဲ့ပြီး စစ်ကောင်စီမှ ဒုဗိုလ်ချုပ်ကြီးရာပြည့်က လက်ခံခဲ့သည်ကိုဓာတ်ပုံများမှာ တွေ့ရသည်။
တရုတ်နိုင်ငံအနေဖြင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဥက္ကဋ္ဌအဖြစ် ဦးဆောင်ခဲ့သည့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန၊ ငြိမ်းချမ်းရေးကော်မရှင်၊ ပစ်ခတ်တိုက်ခိုက်မှု ရပ်စဲရေးဆိုင်ရာပူးတွဲစောင့်ကြည့်ရေးကော်မတီ(JMC) သို့ ယခင်ကလည်း ငြိမ်းချမ်းရေးလုပ်ငန်းအတွက် အသုံးပြုရန် လှူဒါန်းငွေများ ပေးအပ်ခဲ့ဖူးသည်။
ယခု အလှူငွေပေးအပ်ရာတွင် စစ်ကောင်စီက အာဏာသိမ်းပြီးဖွဲ့ထားသည့် ဒုဗိုလ်ချုပ်ကြီးရာပြည့် ဦးဆောင်သည့် ကော်မတီသို့ အမေရိကန် ဒေါ်လာသုံးသိန်း၊ JMC သို့ ဒေါ်လာ နှစ်သိန်း လှူဒါန်းခဲ့သည်ဟု ဆိုသော်လည်းအာဏာသိမ်းပြီးနောက်ပိုင်း JMC အပါ အဝင် ငြိမ်းချမ်းရေးလုပ်ငန်းစဉ် အားလုံးရပ်ဆိုင်းသွားပြီး စစ်ကောင်စီတပ်ကို ခုခံတိုက်ခိုက်မှုများ နေရာအနှံ့၌ ပေါ်ပေါက်လျက်ရှိသည်။
Public Service Announcement
