အာဏာသိမ်းစစ်ကောင်စီတပ်က မြေမြှုပ်မိုင်းထောင် ထားခြင်းကြောင့် ပြည်သူများ မကြာခဏ မိုင်းနင်းမိကာ ထိခိုက်ဒဏ်ရာရမှုများ ဖြစ်ပေါ်နေကြောင်း ဖယ်ခုံပြည်သူ့ကာကွယ်ရေးတပ်ဖွဲ့(PDF)က ယနေ့ ထုတ်ပြန်သည်။
ဖယ်ခုံမြို့တွင် နိုဝင်ဘာနှင့်ဒီဇင်ဘာအတွင်း စစ်တပ်ကထောင်ထားသောမိုင်း နင်းမိ၍အနည်းဆုံးပြည်သူရှစ်ဦး အပြင်းအထန်ဒဏ်ရာရရှိခဲ့သည်ဟု ထုတ်ပြန်ခဲ့ပြီး အကြမ်းဖက် စစ်တပ်၏ ဖမ်းဆီးခံရစဥ် သေဆုံးသူမှာ အနည်းဆုံး ခြောက်ဦးရှိခဲ့သည်ဟု ဖော်ပြထားသည်။
ဒီဇင်ဘာ ၂၉ရက်က ဖယ်ခုံ ခမရ (၃၃၆) တပ်အနီးတောင်ယာထဲတွင် သားအမိနှစ်ဦး ပြောင်းကောက်နေစဥ် သမီးမှာ မိုင်းနင်းပြီး ခြေထောက်ဒဏ်ရာရရှိခဲ့ရာ ခြေထောက်ဖြတ်ရမည့် အခြေအနေများကြောင်း ဖော်ပြထားသည်။
အဆိုပါ သမီးငယ်မှာ လွိုင်ကော်ဆေးရုံကြီး၌ ကုသမှု ခံယူနေပြီး အရေးပေါ်အကူအညီလည်းလိုအပ်နေကြောင်း ထုတ်ပြန်ခဲ့သည်။
Public Service Announcement
အဆိုပါ ခမရ(၃၃၆)တပ် အနီး၌ပင် ဒီဇင်ဘာ၂ ရက်က နန်းဟူးရပ်ကွက်နေ အမျိုးသမီးတစ်ဦး မိုင်းနင်းမိပြီး ခြေတစ်ဖက်ဖြတ်ပစ်ခဲ့ရသည်ဟု ဆိုသည်။
