လွိုင်ကော်မြို့ စုပေါင်းခရိုင်ရုံးအတွင်း ကင်းပုန်းဝပ်နေသည့် စစ်ကောင်စီတပ်ကို တိုက်ခိုက်၊ ငါးဦးသေဟု KDF ထုတ်ပြန်

လွိုင်ကော်မြို့ စုပေါင်းခရိုင်ရုံးအတွင်း ကင်းပုန်းဝပ်နေသည့် အကြမ်းဖက်စစ်ကောင်စီတပ်ကိုဝင်တိုက်ရာ စစ်သား သုံးဦးသေဆုံးပြီး ငါးဦးဒဏ်ရာရရှိခဲ့ကြောင်း ကရင်နီဒီမိုကရက်တစ်တပ်ဦး(KDF) က ယနေ့ထုတ်ပြန်သည်။

တိုက်ပွဲဖြစ်စဥ်မှာ ဇန်နဝါရီ ၁ရက် ည ၁၁နာရီခန့်တွင် လွိုင်ကော်မြို့ ဒေါဥခူရပ်ကွက်၌ ဖြစ်ပွားကာ KDF ၊ JPDF နှင့် GZ-21 မြို့ပြပျောက်ကြား ညီနောင်သုံးဖွဲ့တို့ ပူးတွဲ စစ်ဆင်ရေးဖော်ဆောင်ခြင်းဖြစ်သည်။

တိုက်ပွဲကြာချိန်မှာ ၁၅မိနစ်ခန့်ရှိခဲ့ပြီး မြို့ပြပျောက်ကျားညီနောင်သုံးဖွဲ့မှတစ်စုံတစ်ရာထိခိုက်ခဲ့ခြင်းမရှိခဲ့ဘဲ အောင်မြင်စွာတိုက်ခိုက်ပြီး ပြန်လည်ဆုတ်ခွာနိုင်ခဲ့ကြောင်းလည်း KDFက ဆိုသည်။

ထို့အပြင် မြို့တွင်းပျောက်ကြားတိုက်ပွဲများကို ဆက်လက်ဖော်ဆောင်သွားမည်ဖြစ်ကြောင်းလည်း အသိပေးထား သည်။

Public Service Announcement

ဒီဇင်ဘာ ၃၀ ရက်ကလည်း ကယားပြည်နယ် ၊ဒီးမောဆိုမြို့နယ်ရှိ ခလရ (၄၂၇ ) တပ်ကို KDF မှဝင်တိုက်ရာ စစ်ကောင်စီတပ်သားရှစ်ဦး သေဆုံးခဲ့သည်။

ထို့အပြင် ဒီဇင်ဘာ ၂၉ ရက်ကလည်း လွိုင်ကော်အကျဥ်းဦးစီးဌာန အနီးရှိ ခရိုင်ရဲ ရုံးကို ကရင်နီဒီမိုကရက် တစ်တပ်ဦး KDF က တိုက်ခိုက်ခဲ့သည်။ အဆိုပါတိုက်ခိုက်မှုဖြစ်စဥ်တွင် စစ်ကောင်စီဘက်မှ သေဆုံးသူနှစ်ဦး ရှိကြောင်းလည်း KDFက ဆိုသည်။

မြို့ပြ ပြောက်ကြားအဖွဲ့ဖြစ်သည့် KDF သည် လွိုင်ကော် နှင့် ဒီးမော့ဆိုမြို့နယ်ကို အခြေပြုကာမြို့တွင်း တိုက်ပွဲများ ဆက်တိုက်လုပ်ဆောင်နေပြီး Non CDM များကို ဖမ်းဆီးအရေးယူခြင်းနှင့် စစ်ကောင်စီ ထောက်တိုင် များကို ဖျက်ဆီးနိုင်နေသည်။

(KDF တပ်ဖွဲ့ဝင်များအား တွေ့ရစဥ်)