ရွှေပြည်သာမြို့ (၁၈) ရပ်ကွက် အုပ်ချုပ်ရေးမှူးရုံးကို ဗုံးဖောက်ခွဲကာ ပစ်ခတ်တိုက်ခိုက်ခဲ့ကြောင်း မရမ်းကုန်းနှင့် အင်းစိန် လူငယ်ပူးပေါင်းတပ်(MIYDF)က ယနေ့(ဇန်နဝါ်ရီ ၃)ထုတ်ပြန်သည်။
အဆိုပါတိုက်ခိုက်မှုကို ယမန်နေ့ည ၈နာရီခန့်က ပြုလုပ်ခဲ့ခြင်းဖြစ်ပြီး (၁၈)ရပ်ကွက်အုပ်ချုပ်ရေးမှူးရုံးအား ဗုံးဖြင့်တိုက်ခိုက်ခြင်း၊ သေနတ်ဖြင့်ပစ်ခတ်ခြင်းများ လုပ် ဆောင်ခဲ့သည်ဟု ထုတ်ပြန်ချက်တွင် ဖော်ပြသည်။
တိုက်ခိုက်ခံရမှုကြောင့် ရပ်ကွက်အုပ်ချုပ်ရေးမှူး တင်စိန်၊ ရာအိမ်မှူးနိုင်ထွေး၊ အုပ်ချုပ်ရေးမှူးသား၊ ဆယ်အိမ်မှူး အောင်သက်ပိုင် စသည့်ရပ်ကွက်အုပ်ချုပ်ရေးအဖွဲ့ဝင် လေးဦးသေဆုံးကာ စစ်ကောင်စီတပ်သားနှစ် ဒဏ်ရာပြင်းထန်ကြောင်း ထုတ်ပြန်ချက်က ဆိုသည်။
အထက်ပါတိုက်ခိုက်မှုအတွင်း အုပ်ချုပ်ရေးမှူးရုံးဘက်မှ ပြန်လည်ခုခံသဖြင့် MIYDF ၏ ရွှေပြည်သာတပ်ခွဲမှ ရဲဘော်တစ်ဦး လက်မောင်ကျည်ထိမှန်(ရှပ်ထိ)ဒဏ်ရာရရှိခဲ့ပြီး အခြားရဲဘော်နှစ်ဦး ညဦးပိုင်းတွင် ပျောက်ဆုံးခဲ့သော်လည်း ယနေ့နံနက်တွင် အဆက်အသွယ်ပြန်ရပြီဖြစ်ကြောင်း အသိပေးထားသည်။
Public Service Announcement
တိုက်ခိုက်မှုဖြစ်စဥ်တွင် လမ်းသွားလမ်းလာအချို့ ထိခိုက်မှုရှိခဲ့ကြောင်းလည်း MIYDF က ထုတ်ပြန်ထားသည်။
