စစ်​ကောင်စီတပ်ကို တံတားဦး-မြို့သာ-မြင်းခြံလမ်းတွင် မိုင်းခွဲတိုက်ခိုက် ၁၅ ဦး​ကျော်​သေဟု ထုတ်ပြန်

မန္တလေးတိုင်း၊ တံတားဦး-မြို့သာ-မြင်းခြံလမ်းပေါ်တွင် အကြမ်းဖက်စစ်ကောင်စီယာဥ်နှစ်စီးကို ဒေသတွင်း PDFအဖွဲ့၅ဖွဲ့ပူးပေါင်းပြီး ခုခံတိုက်ခိုက်ခဲ့ရာ ၁၅ ဦး​ကျော်သေဆုံးနိုင်ကြောင်း PDFအဖွဲ့များက ​ပြောသည်။

ယနေ့(ဇန်နဝါရီ ၃ ရက်)တွင် တံတားဦးမြို့မှ ထွက်လာသော စစ်ကား ၂စီးကို တံတားဦး-မြို့သာ-မြင်းခြံလမ်းပေါ် ကံကြီးရွာအကျော် ၉မိုင်ဆီဆိုင်ကွေ့ တွင် မိုင်းခွဲတိုက်ခိုက်ခဲ့ရာ ပထမတစ်စီး ကားနောက်ပိုင်း ပျက်စီးပြီး ဒုတိယကားတစ်စီမှာ ခေါင်းပိုင်းပျက်စီး၍ အကြမ်းဖက်စစ်ကောင်စီတပ်ဖွဲ့ဝင် ၁၅ဦးကျော် သေဆုံးပြီး ၅ ဦးမှာ ပြင်းထန်ဒဏ်ရာများ ရရှိသွားကြောင်း NZN Fight Stars ပျောက်ကျားအဖွဲ့က သတင်းထုတ်ပြန်သည်။

မြို့သာလမ်းပေါ်ရှိ ကိုးမိုင်ဆီဆိုင်ကွေ့တွင် ပေါက်ကွဲသံများကြားလိုက်ရကြောင်း တံတားဦးဒေသခံအချို့ကပြောသည်။

ထိုဖောက်ခွဲမူကို မြောင်မြို့နယ် TGR ပြည်သူ့ကာကွယ်ရေးတပ်ဖွဲ့( Myaung People`s Defense Force TGR) နှင့် ငါန်းဇွန် ပ.က.ဖ တို့ဦးဆောင်၍ NZN Fight Stars ပျောက်ကျားအဖွဲ့ ၊တော်ဝင်ဒေဝီ(ငါန်းဇွန်) အဖွဲ့၊ Young Fighters People’s Defence Force of Myaung(YFPDF) တို့ ပူးပေါင်းဖောက်ခွဲခဲ့ခြင်းဖြစ်ကြောင်း သတင်းထုတ်ပြန်သည်။

Public Service Announcement