မော်လမြိုင်မြို့ပေါ်ရှိ မြိုင်သာယာရဲစခန်းအား ဗုံးဖြင့် ပစ်ခတ်တိုက်ခိုက်ခဲ့ကြောင်း မော်လမြိုင်မြို့နယ် ပြည်သူ့ကာကွယ်ရေးအဖွဲ့က ယနေ့ (ဇန်နဝါရီ ၆)ထုတ်ပြန်သည်။
ယနေ့နေ့လယ် ၁ နာရီကျော်ခန့်တွင် မော်လမြိုင်မြို့ မြိုင်သာယာရပ်ကွက်ရှိ ရဲစခန်းဝန်းအတွင်းသို့ လက်ပစ်ဗုံးဖြင့် ပစ်ခတ်တိုက်ခိုက်ခဲ့သည်ဟု ထုတ်ပြန်ချက်တွင် ဖော်ပြသည်။
“မြိုင်သာယာရဲစခန်းအား လက်ပစ်ဗုံး ပစ်သွင်းတိုက်ခိုက်ခဲ့ပြီး အောင်မြင်စွာဆုတ်ခွာလာနိုင်ခဲ့သည်”ဟု မော်လမြိုင်ပြည်သူ့ကာကွယ်ရေးအဖွဲ့မှ စစ်ဆင်ရေးတာဝန်ခံ အာရွှန်မိုးက ဆိုသည်။
အဆိုပါတိုက်ခိုက်မှုအတွင်း စစ်ကောင်စီတပ်ဘက်မှ ထိခိုက်သေဆုံးမှုရှိ၊ မရှိ စသည်အခြေအနေအား မသိရသေးပေ။
Public Service Announcement
မော်လမြိုင်မြို့နယ် ပြည်သူ့ကာကွယ်ရေးအဖွဲ့အနေဖြင့် ၂၀၂၁ နှစ်ကုန်ပိုင်းမှစ၍ စစ်ကောင် စီ၏ အုပ်ချုပ်ရေးဒေါက်တိုင်များအား ပစ်မှတ်ထားတိုက်ခိုက်ခဲ့ပြီးဖြစ်သလို ပြည်သူများအနေဖြင့်လည်း သွေးအေးမသွားကြရန် ထပ်မံအသိပေးနှိုးဆော်ထားသည်။
