ကော့ကရိတ်မြို့နယ်အတွင်း ထိုးစစ်ဆင်လာသည့် စစ်ကောင်စီ၏ တပ်မ(၁၁)တပ်စွဲထားရာ စခန်းကုန်းကို KNU/KNLA နှင့် PDF ပူးပေါင်းတပ်များက သိမ်းယူနိုင်ခဲ့ကြောင်း ကျပ်ဖြူတပ်ခွဲ(၁)မှ ယနေ့(ဇန်နဝါရီ ၆) ထုတ်ပြန်သည်။
စစ်ကောင်စီ၏ တပ်မ(၁၁)နှင့် KNU/KNLA တပ်ရင်း (၁၈)နှင့် NUG ကာကွယ်ရေးဝန်ကြီးဌာန၏ တောင်ပိုင်းတိုင်းစစ်ဌာနချုပ်အောက်ရှိ ကျားဖြူတပ်ခွဲ(၁)တို့ကြား ပြီးခဲ့သည့်နှစ် ဒီဇင်ဘာ ၁၂ ရက်မှ ယခုနှစ် ဇန်နဝါရီ ၁ ရက်အထိ ထိတွေ့တိုက်ပွဲ လေးကြိမ်ဖြစ်ပွားခဲ့သည်ဟု ထုတ်ပြန်ချက်တွင် ဖော်ပြသည်။
အဆိုပါ ထိတွေ့တိုက်ပွဲလေးကြိမ်တွင် စစ်ကောင်စီဘက်မှ ၃၀ဦးထက်မနည်းသေဆုံးပြီး တပ်မ(၁၁)တပ်စွဲထားရာ စခန်းကုန်းအား ဇန်နဝါရီ ၁ရက်တွင် သိမ်းပိုက်နိုင်ခဲ့သည်ဟု ကျားဖြူတပ်ခွဲ(၁)၏ ထုတ်ပြန်ချက်က ဆိုသည်။
ထိတွေ့တိုက်ပွဲများအတွင်း ပြီးခဲ့သည့် ဒီဇင်ဘာအတွင်းဖြစ်ပွားခဲ့သော တော်နော်ရေတံခွန်အနီးတိုက်ပွဲများတွင် စစ်ကောင်စီတပ်မှ တပ်ရင်းမှူးနှင့် ဒုတပ်ရင်းမှူးအဆင့်ရှိသူနှစ်ဦး သေဆုံးခဲ့သည်။
Public Service Announcement
