စစ်ကိုင်းတိုင်း ကလေးခရိုင် မင်းကင်းမြို့နယ်အတွင်း ယနေ့(ဇန်နဝါရီ ၆) ပြည်သူ့ကာကွယ်ရေးအဖွဲ့ -မြစ်ရိုးအောက်ဒေသ(ပကဖ)က ဦးဆောင်၍ ကိုယ်ထူကိုယ်ထ စာသင်ကျောင်း စတင်ဖွင့်လှစ်နိုင်ခဲ့ကြောင်း ထုတ်ပြန် သည်။
အဆိုပါ ကိုယ်ထူကိုယ်ထ စာသင်ကျောင်းထူထောင်နိုင်ရေးအတွက် မြစ်ရိုးအောက်ဒေသမှ ကျေးရွာများရှိ ကျောင်းသားမိဘများ၊ ကျေးရွာပြည်သူ့အုပ်ချုပ်ရေးအဖွဲ့များ(ပအဖ)၊ CDM ဆရာ၊ဆရာမများနှင့် လုပ်အား ပေး ဆရာ၊ဆရာမများ၊ ကျေးရွာပြည်သူ့ကာကွယ်ရေးအဖွဲ့များ(ပကဖ)များနှင့် PDFများပူးပေါင်း၍ လုပ် ဆောင်ခဲ့ခြင်း ဖြစ်သည်။
စစ်ကျွန်ပညာရေး ပုန်ကန်သည့်အနေဖြင့် ကိုယ်ထူ ကိုယ်ထ စာသင်ကျောင်းများ တည်ထောင်ခြင်း ဖြစ်ပြီး အာဏာရှင်ကို တော်လှန်သည့် လုပ်ရပ်မှန်သမျှအစဉ် တစိုက် ဆက်လက်လုပ်ဆောင်သွားမည် ဖြစ်ကြောင်း မင်းကင်းမြို့နယ် ပြည်သူ့ကာကွယ်ရေးအဖွဲ့ -မြစ်ရိုးအောက်ဒေသ(ပကဖ)က ထုတ်ပြန်သည်။
ထိုကဲ့သို့ အာဏာရှင်ကိုတော်လှန်ရင်း ဒေသတွင်းပြန်လည် တည်ဆောက်ရေးလုပ်ငန်းစဉ်များကိုလည်း ဆက်လက်ပူးပေါင်းကူညီလုပ်ဆောင်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။
Public Service Announcement
