ပြည်နယ်စည်ပင်ရုံးတွင်လည်း ဗုံးပေါက်၊ တစ်ဦးသေ
ဘားအံမြို့ စစ်မှုဇုံအကျော်ရှိ စစ်ဆေးရေးဂိတ်တစ်ခုတွင် ဂိတ်ကြေးပေးပြီးနောက် ပစ်ခတ်သောကြောင့် စစ်ကောင်စီလက်ပါးစေ အစောင့်ရဲနှစ်ဦးနှင့် BGF တစ်ဦး သေဆုံးသွားကြောင်း ဒေသခံများက ပြော သည်။
ယနေ့(ဇန်နဝါရီ ၁၀) နေ့လယ် ၁ နာရီ ၄၀ ခန့်က ဘားအံစက်မှုဇုံအကျော်ရှိ ထိဖိုးကလုံးက စစ် ဆေးရေးဂိတ်တွင် ကားတစ်စီးမှ ဂိတ်ကြေးပေးပြီးနောက် ပစ်ခတ်သွားခြင်းဖြစ်ကြောင်း ဒေသသတင်းရင်းမြစ် Hpa-an News က ဖော်ပြသည်။
“အဲဂိတ်ကရဲတွေရော လမ်းကြေးကောက်တဲ့ကောင်တွေရော အကြောတင်းတွေ။ ဖြစ်သင့်တာကြာပြီ။ ငါ-ုးချင်းမိုးမွှန်အောင်ဆဲတဲ့ ကောင်တွေ”ဟု ဒေသခံတစ်ဦးက ပြောသည်။
Public Service Announcement
အလားတူ ယနေ့နေ့လယ် ၂ နာရီခ့ကလည်း ဘားအံမြို့ပေါ်ရှိ ပြည်နယ်စည်ပင်ရုံး၌ ပေါက်ကွဲမှုတစ်ခုဖြစ်ပွားခဲ့ပြီး အမျိုးသားတစ်ဦးသေဆုံးကာ ကားတစ်စီးနှင့် ဆိုင်ကယ်တစ်စီးပျက်ဆီးသွားကြောင်း ဒေသခံများက ပြောသည်။
အထက်ပါဖြစ်စဥ်များနှင့်စပ်လျဥ်းပြီး မည်သည့်အဖွဲ့အစည်းများ၏လက်ချက်ဖြစ်သည်ဆိုခြင်းကို မသိရသေးဘဲ စုံစမ်းနေဆဲဖြစ်သည်။
