ဒီမိုကရေစီလမ်းကြောင်းပေါ်ပြန်လည်ရောက်ရှိရေး နိုင်ငံတကာအသိုင်းအဝန်းနှင့်အတူ ဆက်လက်ဖိအားပေးမည်ဟု ကန်သံအမတ်ကြီးပြော

ငြိမ်းချမ်းမှုနှင့် ဒီမိုကရေစီလမ်းကြောင်းပေါ် မြန်မာနိုင်ငံပြန်လည်ရောက်ရှိရေးအတွက် ဖိအားပေးရန် နိုင်ငံတကာ အသိုင်းအဝန်းနှင့်အတူ အမေရိကန်က ဆက်လက်လုပ်ဆောင်သွားမည်ဟု ကုလသမဂ္ဂဆိုင်ရာ အမေရိကန် သံအမတ်ကြီး Linda Thomas-Greenfield က ပြောသည်။

အထက်ပါ အမေရိကန်သံအမတ်ကြီးသည် ကုလသမဂ္ဂအထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Dr. Noeleen Heyzer နှင့် အွန်လိုင်းကတဆင့် တွေ့ဆုံခဲ့ပြီး မြန်မာ့အရေးကို ဆွေးနွေးခဲ့ သည်။

အမေရိကန်သံအမတ်ကြီးက အာဆီယံ၏ဘုံဆုံးဖြတ်ချက် ၅ ရပ်ကို အကောင်အထည်ဖော်ရေး၊ ဘေးကင်း လုံခြုံရေးနှင့် လူသားချင်းစာနာမှုအကူအညီများ နှောင့်နှေးကြန့်ကြာမှုမရှိဘဲ ဝင်ခွင့်ပြု ရေးအတွက်လည်း ကုလအထူးကိုယ်စားလှယ်နှင့် ဆွေးနွေးခဲ့သည်ဟု ထုတ်ပြန်သည်။

ပြီးခဲ့သည့် ဒီဇင်ဘာလကုန်ပိုင်းက ကုလအထူးကိုယ်စားလှယ် Dr. Noeleen Heyzer သည် မြန်မာနိုင်ငံတွင် ဘက်အားလုံးက အပစ်အခတ်ရပ်စဲရန်တောင်းဆိုခဲ့ပြီး နိုင်ငံတဝန်းဆက်လက် ကျယ်ပြန့်လာသော အကြမ်းဖက်မှုများအပေါ် လွန်စွာစိုးရိမ်ကြောင်းထုတ်ပြန်ခဲ့သည်။

Public Service Announcement

စင်ကာပူနိုင်ငံသူ Dr. Noeleen Heyzer သည် ကုလသမဂ္ဂအထွေထွေအတွင်းရေးမှူးချုပ်၏ မြန်မာ နိုင်ငံဆိုင်ရာအထူးကိုယ်စားလှယ်အဖြစ် ဒီဇင်ဘာလလယ်တွင် စတင်တာဝန်ထမ်းဆောင် ခဲ့ပြီး မြန်မာနိုင်ငံသို့ ဝင်ရောက်ခွင့်မရသေးပေ။