'/%3E%3C/svg%3E){kind=small}
တနင်္သာရီမြို့နယ် တကူတိုက်နယ်တွင် အကြမ်းဖက်စစ်ကောင်စီတပ်နှင့် နှစ်ရက်ဆက်တိုက်ပွဲဖြစ်ရာ စစ်ကောင် စီတပ်သား အနည်းဆုံးနှစ်ဦး သေဆုံးဟု ဘက်မလိုက်ပြောက်ကြားတပ်ဖွဲ့က ထုတ်ပြန်သည်။
“ဒီလ ၁၀ ရက် ကနေ ၁၁ ရက်နေ့အထိ တိုက်ပွဲ လေးကြိမ် ဖြစ်တယ်။တကူသံတိုက် ၊လှေဆိပ် နဲ့ ကျားခေါင်းတောင် တို့မှာ ဖြစ်တာ။မိုင်းဆွဲတာရော ထိတွေ့ တိုက်ပွဲရော “ဟု ဘက်မလိုက်ပြောက်ကျားတပ်ဖွဲ့ဝင် တစ်ဦးက ပြောသည်။
ပြောက်ကြားစစ်ဖြင့် တိုက်ခိုက်ခဲ့သော တိုက်ပွဲများကြောင့် ပြည်သူ့ကာကွယ်ရေးတပ်ဖွဲ့များ အထိအခိုက်ကင်းခဲ့သည်ဟုလည်း ၎င်း ကဆိုသည်။
တကူတိုက်နယ်တွင် အကြမ်းဖက်စစ်ကောင် စီ၏ လက်နက် ကြီး၊ငယ် ပစ်ခတ်မှု ဖမ်းဆီးမှု များအချိန်မရွေးဖြစ်ပွားနိုင်သည့်အတွက် စစ်ရေးသတိကြီးစွာ ရှိရန်လည်း ဘက်မလိုက်ပြောက်ကျားတပ်ဖွဲ့က အသိပေးသည်။
Public Service Announcement
ဇန်နဝါရီ ၃ ရက်က တကူကျေးရွာရဲစခန်းကို ဘက်မလိုက် ပြောက်ကြားအဖွဲ့က ဝင်ရောက်စီးနင်းကာ ဖျက်ဆီးထားသည်။
ထို့အပြင် အကြမ်းဖက်စစ်ကောင်စီတပ်မှ တကူကျေးရွာသို့လာစဥ် အသုံးပြုခဲ့သော ဆိုင်ကယ်ငါးစီးကိုလည်း သိမ်းဆည်းရမိခဲ့သည့်အပြင် တကူကမ်းနားရှိ စစ်တပ်ပိုင် စက်လှေတစ်စင်းနှင့် စက်နှစ်လုံးကို ဖျက်ဆီးနိုင်ခဲ့သည်။
