ရေလယ်ကျွန်းတွင် စစ်​ကြောင်းထိုးလာ​သော စစ်​ကောင်စီတပ်ကို ​​ဒေသခံPDFများ တိုက်ခိုက်၊စစ်​ကောင် စီတပ်​သေဆုံး၊ ဒဏ်ရာရမှုများရှိ

မကွေးတိုင်း၊ ရေစကြိုမြို့နယ်၊ ရေလယ်ကျွန်းဒေသတွင် စစ်ကြောင်းထိုးလာသည့် အကြမ်းဖက်စစ်​ကောင်စီတပ်အား ဒေသတွင်းPDF များက ခုခံတိုက်ခိုက်ခဲ့ရာ အကြမ်းဖက်စစ်​ကောင်စီတပ်ဘက်မှ ထိခိုက်သေဆုံးမှုရှိကြောင်း PDFအဖွဲ့များက သတင်းထုတ်ပြန်သည်။

ယမန်နေ့ (ဇန်နဝါရီ ၁၁ ရက်)က မကွေးတိုင်း၊ ရေစကြိုမြို့နယ်၊ ချင်းတွင်းမြစ်အရှေ့ဘက်ကမ်းရှိ ရေလယ်ကျွန်းဒေသ ကျေးရွာများသို့ နယ်မြေရှင်းလင်းရေးစစ်ကြောင်းထိုးလာသည့် အင်အား ၅၀ ၀န်းကျင်ခန့်ပါသော အကြမ်းဖက်စစ်တပ်သည် ရေစကြိုမြို့နယ်၊ ရေလယ်ကျွန်းဒေသ ရေယှားကျေးရွာနှင့် လှေခုတ်ကျေးရွာကြားသို့ ညနေ ၃ နာရီ၀န်းကျင် အချိန်ခန့်တွင် ရောက်ရှိလာရာ ပြည်သူ့ကာကွယ်ရေးတပ်ဖွဲ့MG.6 ပြောက်ကျား တပ်(မြင်းခြံ)နှင့် YLKပြောက်ကျားတပ်(YSO)မဟာမိတ်နှစ်ဖွဲ့ကဦးစီးသည့်ဒေသ ကာကွယ်ရေးအဖွဲ့များနှင့်ထိပ်တိုက် တိုက်ပွဲဖြစ်ပွားခဲ့သည်။

အပြန်အလှန်ပစ်ခတ်တိုက်ခိုက်ကြရာ အကြမ်းဖက်စစ်တပ်ဘက်မှတပ်ဖွဲ့ဝင်များအများအပြားထိခိုက်သေဆုံးနိုင်ကြောင်း PDFအဖွဲ့များက ထုတ်ပြန်သည်။

ပြည်သူ့ကာကွယ်ရေးတပ်ဖွဲ့ PDF ရဲဘော်တစ်ဦး ထိခိုက်ဒဏ်ရာရရှိခဲ့ပြီး အသက်အန္တရာယ် စိုးရိမ်ဖွယ်မရှိကြောင်း၊ ပြည်သူ့ကာကွယ်ရေး PDF တပ်ဖွဲ့၀င်များအောင်မြင်စွာ ဆုတ်ခွာနိုင်ခဲ့ကြောင်း ပြည်သူ့ကာကွယ်ရေး MG.6 ပြောက်ကျားတပ်ဖွဲ့(မြင်းခြံ)က သတင်းထုတ်ပြန်သည်။

Public Service Announcement

အကြမ်းဖက်စစ်တပ်သည် မကွေးတိုင်း၊ ရေကြိုမြို့နယ် ရေလယ်ကျွန်းဒေသအပြင် မြိုင်မြို့နယ်တွင်လည်း စစ်ကြောင်းထိုးလျက်ရှိသည်။ ထို့အပြင် ရေလယ်ကျွန်းဒေသနှင့်ဆက်နေသည့် စစ်ကိုင်းတိုင်းမြောင်မြို့နယ်တွင်လ​ည်း စစ်ကြောင်းထိုးကာ လှည့်လည်နေသည်။