စစ်​ကောင်စီတပ်က ရေစကြိုမြို့နယ် လှေခုတ်ရွာကို ဝင်​ရောက်ဖျက်ဆီးသွား

မကွေးတိုင်း ရေစကြိူမြို့နယ် ရေလယ်ကျွန်းကျေးရွာများအား အကြမ်းဖက်စစ်ကောင်စီတပ်က စစ်ကြောင်းထိုးခဲ့ရာ လှေခုတ်ရွာအတွင်း ဝင်ရောက်ဖျက်ဆီးမီးရှိူ့မှူများ ပြုလုပ်သွားကြောင်းဒေသခံများက ပြောသည်။

အကြမ်းဖက်စစ်ကောင်စီသည် ရေစကြိုမြို့နယ်၊ ချင်းတွင်းမြစ်အရှေ့ဘက်ကမ်းရေလယ်ကျွန်းဒေသရှိ ကျေးရွာများအား စစ်ကြောင်းထိုးဝင်ရောက်​နေရာ ရေလယ်ကျွန်းဒေသကျေးရွာတစ်ရွာဖြစ်သော လှေခုတ်ရွာသို့ ဝင်ရောက်၍ နေအိမ်အချို့အား မီးရှို့ဖျက်ဆီးခြင်း၊ အိမ်များမှပစ္စည်းများကို မွှေနှောက်ဖျက်ဆီးခြင်း၊ တန်ဖိုးကြီးပစ္စည်းများအား ခိုးယူခြင်း၊ အရက်​​သေစာများသောက်စားခြင်းများ ပြုလုပ်သွားခဲ့ကြောင်း ဒေသခံများက ​ပြောသည်။

“စစ်တပ်နဲ့အတူ ဒလန်တွေကော ပျူတွေကောပါတယ်။ လှေခုတ်ရွာမှာ ညအိပ်စခန်းချပြီး ခုလိုလုပ်သွားတာ”ဟု ဒေသခံတစ်ဦးက ​ပြောသည်။

အကြမ်းဖက်စစ်တပ်သည် ယမန်နေ့ညက လှေခုတ်တွင် ညအိပ်စခန်းချခဲ့ပြီး ယနေ့(ဇန်နဝါရီလ ၁၃ ရက်နေ့)နံနက် ၇ နာရီခန့်၌ ရွာမှထွက်ခွာသွားကာ နံနက် ၁၀ နာရီခန့်တွင် ရေစကြိုမြို့၊ ဖူလုံကျေးရွာရှိ ၂၅၈ တပ်ထဲသို့ ရောက်ရှိသွားပြီဖြစ်ကြောင်း ဒေသခံများက ပြောသည်။

Public Service Announcement

အာဏာသိမ်းစစ်ကောင်စီတပ်သည် ဇန်နဝါရီ ၁၁ ရက်ကလည်း ရေစကြိုမြို့နယ်၊ ချင်းတွင်းမြစ်အရှေ့ဘက်ကမ်းရှိ ရေလယ်ကျွန်းဒေသ ကျေးရွာများသို့ အင်အား ၅၀ ခန့်ဖြင့် နယ်မြေရှင်းလင်းရေးစစ်ကြောင်းထိုးခဲ့သည်။

ထိုနေ့မှာပင်ရေယှားကျေးရွာနှင့် လှေခုတ်ကျေးရွာကြားသို့ ညနေ ၃ နာရီ၀န်းကျင် အချိန်ခန့်တွင် ရောက်ရှိလာရာ ပြည်သူ့ကာကွယ်ရေးတပ်ဖွဲ့ MG.6 ပြောက်ကျားတပ်(မြင်းခြံ)နှင့် YLKပြောက်ကျားတပ်(YSO)မဟာမိတ်နှစ်ဖွဲ့ကဦးစီးသည့်ဒေသကာကွယ်ရေးအဖွဲ့များနှင့်ထိပ်တိုက် တိုက်ပွဲဖြစ်ပွားခဲ့သည်။

အပြန်အလှန်ပစ်ခတ်တိုက်ခိုက်ကြရာ အကြမ်းဖက်စစ်တပ်ဘက်မှတပ်ဖွဲ့ဝင်များအများအပြားထိခိုက်သေဆုံးနိုင်ကြောင်း PDFအဖွဲ့များက ထုတ်ပြန်ခဲ့သည်။