မန္တလေးမြို့ မဟာအောင်မြေမြို့နယ်လျှပ်စစ်မီတာရုံးအစောင့် စစ်ကောင်စီတပ်သားများကို Justic Mandalay People Defense Force (JMPDF)နှင့်အတူ ပူးပေါင်း၍ ပစ်ခတ်တိုက်ခိုက်ခဲ့ကြောင်း Phoenix အထူးပြောက်ကျား တပ်ဖွဲ့က ထုတ်ပြန်သည်။
ယမန်နေ့(ဇန်နဝါရီ ၁၄)ည ၇ နာရီ ၄၅ တွင် ၃၅ လမ်း၊ ၈၆ လမ်းနှင့် ၈၇ လမ်းကြားရှိ မဟာအောင်မြေမြို့နယ် လျှပ်စစ်မီတာရုံးရှေ့ရှိ အစောင့်စစ်ကောင်စီတပ်သားများကို ဝင်ရောက်ပစ်ခတ်ခဲ့ခြင်းဖြစ်ကြောင်း ထုတ်ပြန် ချက်တွင် ဖော်ပြသည်။
“ပစ်ခတ်ချိန်တွင် လမ်းလျှောက်နေသော စခ တစ်ကောင် လှဲကျသွားသည်။ ကျန်တစ်ကောင်မှာ သဲအိတ် ဘန်ကာအောက်သို့ ဝင်ပုန်းတာလား ကျွန်တော်တို့ပစ်လို့ လဲကျသွားတာလား အတည်မပြုနိုင်ပါ”ဟု Phoenix အထူးပြောက်ကျားတပ်က ဆိုသည်။
ယမန်နေ့ညတိုက်ခိုက်မှုတွင် စစ်ကောင်စီတပ် သားတစ်ဦးသေဆုံးသည်မှာ သေချာပြီး ကျန်တစ်ဦးမှာ သေဆုံးသွားခြင်းဟုတ်၊ မဟုတ် အတည်ပြုနိုင်ခြင်းမရှိသေးပေ။
Public Service Announcement
JMPDF နှင့် Phoenix အထူးပြောက်ကျားတပ်ဖွဲ့မှ ရဲဘော်များ လုံခြုံဘေးကင်းစွာ ပြန်လည်ဆုတ်ခွာနိုင်ခဲ့ပြီး ပြည်သူကိုအနိုင်ကျင့်သည့် စစ်ကောင်စီ၏ လုပ်ရပ်များကို လုံးဝခွင့်လွှတ်မည်မဟုတ်ကြောင်းလည်း ၎င်းတို့က အသိပေးထားသည်။
