မန္တလေးမှာ ကျောက်သမား ၄၆၀ ဦးကိုတရားစွဲလိုက်ပြီး သိမ်းဆည်းရမိတဲ့ကျောက်တွေကို သက်သေအဖြစ် စစ်ကောင်စီက သိမ်းဆည်းလိုက်ပါတယ်။
ပြီးခဲ့တဲ့ ဒီဇင်ဘာလအတွင်းက သတ်မှတ်ထားတဲ့ကျောက်ဝိုင်းမှာမရောင်းချလို့ဆိုကာ မန္တလေးက ကျောင်းအရာင်းအဝယ်လုပ်တဲ့ နေရာ ၂ ခုကိုဝင်စီးပြီး ကျောက်သမားတွေကိုစစ်ကောင်စီကဖမ်းဆီးခဲ့တာပါ။
ဖမ်းမိတဲ့ ကျောက်သမားတွေကို အောင်မြေသာစံမြို့နယ်နဲ့မဟာအောင်မြေမြို့နယ်တရားရုံးတွေမှာ ဒီနှစ်ဆန်း ဇန်နဝါရီလ ၅ ရက်က ကျောက်မျက်ဥပဒေတွေနဲ့ စစ်ကောင်စီတရားစွဲလိုက်ပါတယ်။
ဒါအပြင် ဖမ်းတဲ့အချိန်က သိမ်းဆည်းရမိတဲ့ ကျောက်တွေကို သက်သေအဖြစ် သိမ်းလိုက်တယ်လို့လည်းသိရပါတယ်။
Public Service Announcement
ဒီကျောက်တွေကို စစ်ကောင်စီ ရာဖြတ်နဲ့ တန်ဖိုးဖြတ်နေတယ်လို့လည်းသိရပါသေးတယ်။
ဖမ်းခံရတဲ့ကျောက်သမားတွေကတော့ အိုးဘိုအကျဉ်းထောင်ရောက်နေကြတာဖြစ်ပြီး ထောင်တွင်းကနေ တရားရင်ဆိုင်နေရကာ မိသားစုနဲ့လည်းတွေ့ခွင့်မရသေးပါဘူး။
